Adra

A dyma fi. Dwi’n eistedd o flaen y teledu gyda gweddillion wy pasg wrth f’ochr. Dwi wedi dal fyny gyda’ng nghwsg i rhyw raddau a ma’n neis bod adra.

Welodd neb erioed gymaint o siocled a gwin yn cael ei sgwashio i mewn i gar. Mi oedd y car yn llawn ar y ffordd i Ffrainc, heb yr holl anrhegion. Ar y ffordd nol, mi oedd gennym ni yr un faint o petha gyda Siocled, gwin ac anrhegion (i ni’n hunain ac eraill) yn ychwanegol.

Mi aethom ni i weld ffactori siocled fach ar y ffordd i Boulogne i ddal y gwch adra. Mi oedd yn fach, ond drud. Bag o siocled yn 9€! Mi brynish i far o siocled arferol a bar o siocled tywyll i mi a’n nheulu rannu (yn ara deg, mi dalish i 7€ amdanyn nhw). Wedyn i E. Leclerc; anfarchnad anferth yn Boulogne i wario fy 23€ ola. Caws, 4 wy pasg (3 bach i deulu John a un cwningen i f'annwylyd), ambell far o siocled, caws a gwin. Mwy o bethau i lenwi’r car.

2 awr wedyn ar lan y môr yn Boulogne wedyn yn cael cinio (mwy o fara a caws rwyn?!) ac yn chwarae peldroed/rygbi/hoci iâ. Basically, pel droed efo taclo cas. Dipyn go lew o hwyl!

Hwyl fawr ffrainc.

Mi oedd y daith ar y gwch adra llawer iawn cyflymach na’r daith yno. Mi oedd yn daith i Ffrainc wedi teimlo yn hir. Bosib oherwydd fod pawb wedi blino, bosib oherwydd fod pawb yn teimlo’n sal, bosib oherwydd ein bod ni’n hwyr yn cychwyn. Dwni ddim. Doedd y daith adra ddim yn teimlo fel dim. Ar y gwch, eistedd lawr, oddi ar y gwch. Mi oni’n falch a dweud y gwir, ar ôl cychwyn adra, dwi eisiau cyrraedd adra.

Noson yn West Brom, rwan dwi adra. Niwl a glaw. Gwych.

Hwyl a sbrii