Wierdo

Y cam nesaf

2012-01-25T21:39:00.005Z

Unwaith mae rhywun yn cyrraedd rhyw oed, mae popeth yn dechrau digwydd yr un pryd. Mae PAWB yn cael ty yr un pryd, PAWB yn dyweddio ac yn priodi, PAWB yn cal babis.

PAWB yn "tyfu fyny".

Ac i raddau, ma' 'na bwysau ar un i ddilyn y camau yma, yn eu trefn, a tua yr un pryd.

Ac felly, ar ôl rhentu ty gyda nghariad am flwyddyn, roedd na deimlad y dylen ni symud ymlaen, y dylen ni gymryd y cam nesaf. Wrth sgwrs, mi oedd na'r mater o fod yn talu rhent a ddim yn cael dim yn ôl mewn gwirionedd.

Ar ôl gweld ty, a mynd trwy'r rigmarôl hir o brynu'r peth a thalu trwy'n trwyna am gyfreithwyr a ballu, ro' ni'n gorwedd yn gwely y noson cynta ar ôl cal y goriada a gesh i'r teimlad am y tro cynta erioed o fod yn yn gaeth.

Dim jesd yn fy morgais newydd sbon ond yn fy swydd er mwyn talu'r morgais ond yn bennaf yn fy mherthynas. Hwnnw oeddwn i wedi bod ynddo fo ers saith mlynedd, ond rwan roedd o'n official....

A ro ni'n gorwedd yn panicio. Beth os doeddwn i ddim isho'r ty? Beth os doeddwn i ddim isho fy swydd? Beth os doeddwn i ddim isho'r berthynas?!!

Tri mis yn ddiweddarach, ma'r ty bron bron bron yn barod i gal parti ynddo fo (lot i'w wneud dal!) a dwi ddim ofn o gwbwl. Mae'r noson cynta na yn wirion rwan, allai'm aros i gael fy nhy, dwi'n mwynhau fy swydd gymaint a'r rhan fwyaf o bobl a fy nghariad?... Neith o am y tro....!!!

Jôc, allai'm aros am y cam nesaf! (Santes Dwynwen Hapus Cariad x)

Hwyl a sbrii

Dal i fyny...eto

2012-01-06T19:19:00.003Z

Dwi'n ymwybodol mod i wedi esgeuluso'r blog ma dros y flwyddyn dwetha, ymddiheuraf.

Mae mis Ionawr yn gyffredinol amser i fyfyrio dros y flwyddyn a fu ac yn wir, dyna i chi flwyddyn!

Ond wna i ddim o'ch diflasu chi gyda manylion.

Ers blogio diwethaf, BIG NIWS! Dwi'n eiddo ar dŷ! Cam mawr yn y busas tyfu fyny ma - sorted.

Mae o'n 2 llofft (gynt 3, ond deni eisioes wedi bod wrthi gyda mwrthwl yn tynnu wal i lawr, sydd gyda llaw yn lot o hwyl) gyda kitchen diner (o mor saithdegau) a sdafall fyw a dau bathrwm a gardd.

O, a mae o drws nesa i pyb.

O wybod y ffaith ola, dwi ddim am hydnoed ystyried deud y wnai flogio mwy blwyddyn yma....fydda ni mewn yn y ty cyn diwedd Chwefror.

Hwyl a sbrii

Gorffen llyfr

2011-08-16T15:15:00.004Z

Casgliad o eiriau/meddyliau, syth ar ôl gorffen llyfr

Dwi ddim yn hoffi gorffen llyfrau. Ma na dristwch mewn gorffen llyfr na all unrhyw eiriau eraill eu llenwi. Mae diwedd stori; boed yn un hapus, trist neu arall, yn wag.

Mae 'na wastad rhyw godi calon yna hefyd; balchder? Cyflawnrwydd? Boddhad? Oes, mae na godi calon, ond buan daw'r gwacter i ddwyn.

Oes unrhyw un arall yn teimlo fel hyn? Ar ôl gorffen llyfr da, ydw dwi'n falch o fod wedi ei orffen ond dwi dal yn mynd mewn i gyfnod bach o alaru, o ddiolch am y stori ac o beidio bod isio baeddu'r mwynhad a'r diolch drwy gael perthynas â llyfr arall.

Mae llyfr da yn fy nhynnu i mewn mor gyfan gwbwl, dwi'n methu'r cymeriadau, y strydoedd, y geiriau a'n clymodd ni. Ydi mae'r llyfr wedi gorffen, ond dal mae'r cwestiwn: beth wedyn?

Wedyn, yn araf mae'r bysedd, heb yn wybod i'r galon, yn ymlwybro am lyfr, am dydalen arall, am stori newydd. Os ydi'r llyfr yn haeddianol, mae'r galon yn maddau ac yn llenwi er ei fod yn gwybod beth sydd i ddod mewn ychydig ddegau/gannoedd o dudalenau.

Awn ymlaen, ac mi geisiwn garu eto.

Hwyl a sbrii

Peirot

2011-03-23T16:18:00.004Z

Pan yn y chweched ddosbarth, edrychais yn y drych rhyw fore braf o haf, a sylwais ddigon sydyn nad oeddwn i'n hafal. Roedd un ysgwydd yn wahanol i'r llall. Roedd na lwmp ar fy ysgwydd chwith.

Wan ma'r gair lwmp yn gwneud i unrhywun banicio dydi? Dim ots lle mae o, mae rhywun yn neidio i'r canlyniad amlwg. Felly ffwr a fi i'r doctor mor gyflym a allwn i.

Ffat. Braster. Lwmp o ffat ar fy ysgwydd. Lyfli. Mi allwn i gael gwared ohono fo, ond gan fy mod i ofn ysbytai, a gan fy mod wedi ei enwi bellach, aros wnaeth "plod" a dod yn ffefryn i ddychryn bobl pan yr oeddwn yn feddw.Dwi ddim cweit yn shwr beth newidiodd fy meddwl. Ychydig oherwydd nad ydi o'n ei hoffi (o gwbwl) ac ychydig oherwydd ei fod yn tyfu, penderfynnais gael gwared o plod annwylyd.

Es i am yr op dydd Llun, ac ar ôl aros am 5 awr, mewn a fi. Lot o bobl neis iawn yn gofyn yr un cwestiyna drosodd a drosodd, tan i bopeth ddechra mynd yn fyzi. Wedyn gofyn i mi be odd pi
"3.1415926535 to 10 decimal places"
"and again"
"3.1415926535"
"again?"
"3.14159....."
Mi fysa cyfri lawr o ddeg di neud y tro i mi yn ffein, ond dyna ni.

Deffro wedyn di drysu'n llwyr, ond popeth yn ffein ac adra a fi i gael fy nghadw mewn cotton wool ganddo fo tan i mi wella.

Ddoe onin teimlo'n erchyll - fatha fod gin i'r ffliw. Buodd rhaid i mi fynd yn ôl i'r sbyty yn poeni mod am rash oedd yn datblygu drostai gyd. Dwi'n lyrjic i wbath ond duw a wr beth.

Heddiw, dwin well, ond dal yn teimlo'n wael. Dwi di gorfod cymryd diwrnod arall oddi ar ysgol yfory a dwi di rhedeg allan o ffilms a petha i neud ar y wê.

Gai plod yn ôl plis? Onin teimlo'n well efo fo.

Ond oleia fydd gin i scar osym pan ma'r stitches di gwella. Fyddai'n edrach atha peirot!

Hwyl a sbrii

Tai

2011-02-21T10:47:00.002Z

Un o'r pethau gorau am fyw mewn pentref drud ydi pasio tai sydd ar werth, mynd adra, a gweld beth yw'r pris. £100,000 am apartment 1 llofft?! £140 am dŷ bler dau llofft reit yn ymyl y lôn?! Hahaha!

Ond, wedyn, dwi ar y wefan gwerthu tai yndydw? Wnaiff o ddim drwg i mi i edrych ar dai mwy fforddiadwy...?

Deni di bod yn gweld 3 ty hyd yn hyn. Y cyntaf oni'n licio ond doedd o ddim, yr ail oedd yr un oedd yn fwy o grac na tŷ (ond doeddwn i ddim yn ei hoffi bethbynnag!) a'r trydydd....

Y trydydd, wan dyma i chi broblem. Dwi'n ei hoffi o, a mae o'n ei hoffi ond dydym ni methu fforddio tŷ! Does gan yr un ohonym ni ddigon o arbedion i gael ty, does ganddo fo ddim swydd felly buasai'n rhaid cael morgais ar fy nhâl i'n unig. Ond mae'r tŷ yn neis. Mae'n cael ei werthu mewn ocsiwn ym mis Ebrill sydd yn sgeri iawn iawn, ond dwi am fynd i'r banc i siarad heddiw.

Plis plis gai bres?!

Hwyl a sbrii

Eira

2010-12-22T21:11:00.004Z

Mi ydwi wedi treulio'r wythnos yma o eira yn cario fy eiddo (boed yn fag dros nos neu'n fwyd parti) ar slej ac yn ei lusgo ar fy ôl; Mae bod yn yr eira yn fy ngwneud yn hapus yn y ffordd symlaf bosib. Mae'n lot o hwyl ac yn lot o drafferth, mi wn hynny, ond mae yna rhywbeth y tu mewn i mi rhywle, oedd eisiau ei geni yn rhywle ble mae 'na eira drwy'r amser.

Wn i ddim os mai fi ydio, ond mae eira yn gwneud i mi deimlo fod pawb fwy cymunedol rhywsut. Ma'r eira ma yn anghyfleus i bawb felly ma pawb yn fodlon helpu rhoi pwsh i gar neu gal sgwrs am y tywydd ofnadwy ma. Mana gymaint o bobl yn cerdded hefyd, dwi'n gweld bobl na welish i rioed o'r blaen.

Ddwedai hyn wrtha chi; dwi'n buta lot mwy a hitha'n ddolig ond dwi'n cal lot mwy o 'marfar corff fyd!

Ma'n niwsans fyd cofiwch, oni fod i fynd i weld Tim Minchin nos Wener, a minna di edrych ymlaen yn ofnadwy. Ond efo'r A55 fel hyn; doedd fawr o siawns o gyradd y lle. Bwhw wir.

Hwyl a sbrii

Cowboi

2010-12-09T17:28:00.004Z

Heddiw, dwi'n gowboi. Gyda fy nghrys/blows siec, fy denim a fy bŵts brown, dwi'n teithio o'r gorllewin gwyllt i'r gogledd ddwyrain, i'r eira i'r anhysbys. Fy nghart yw'r 6:02 o Fangor a mae'r awyr yn rhewi.

Drws nesa i mi yn y cart mae bachgen rhu ifanc i'w siwt. Prin allan o'i napis dybiwn, mae o yna ar ei laptop sydd bron ddigon bach i'w lyncu drwy ddamwain. Mae o'n smalio gwneud gwaith ond dwi'n gwybod mai chwara rhiw gem telitybis mae o go iawn. Enwi lliwiau a cyfri i dri ac ati.

Ym mlaen y cart, ddigon agos i ddal cynffon y ceffyl, mae na gwpwl poleit siaradodd i mi am ychydig. Clên iawn oedden nhw hefyd ond yn siarad am bethau lot rhu gymhleth am 6 y bore. Go iawn, isho darn o fy nghorn bîff oedden nw, mi wn i'r gwir.

Heddiw dwi'n gowboi yn teithio i'r anhysbys. Tren yw fy ngheffyl a het wlân yw fy het a dwi'n mentro yn unig i Fanceinion am gwrs.

Hwyl a sbrii

Nadolig

2010-11-30T18:09:00.004Z

Bob blwyddyn. Yr un peth bob tro. Tua'r adeg yma, mae fy nheimladau o gynwrf gogyfer â'r nadolig yn gorlifo ac yn troi'n restr o bethau hyfryd ar y blog. Nid oes dim wedi newid eleni.

Dwi wrth fy modd gyda'r nadolig. Dwi'n hoffi'r oer pan mai fy mochau a fy nhrwyn yw'r unig darn o'ng nghorff ddangosai i'r byd o dan fy het ac uwchben fy sgarff a fy nghot. Pan mai mor oer ma pawb yn goch ac yn gallu smalio smocio wrth anadlu (ma pawb blaw bobl sy'n smocio yn gwneud hyn dydi? Neu yn smalio bod yn ddraig). Pan ma dod i mewn o'r eira a'r rhew yn hyfrytwch pur. Bliss.

Dwi wrth fy modd efo coch a gwyrdd a melyn. Coch goleadau ceir wrth iddi dwllu yn gynnar. Coch fy menyg, coch fy mochau, coch fy slipars. Coch drwynau plant, coch het Sion Corn a coch y cannwyll adfent. Gwyrdd y goeden, y celyn a'r waliau yn ty mam a dad. Melyn y goleadau, y fflamau ar y ganwyll a'r tinsel. Melyn (ish) y gwin a melyn y panas.

Dwi'n caru'r ffaith fod pob dim yn mynd mor cheesy adeg y nadolig, gan gynnwys y blog yma wrth sgwrs. Y gerddoriaeth a'r teledu a phawb a phopeth o'ng nghwmpas i.

Mae'r bwyd, a'r diod, yn wych. Parti's a gloddesta am fis. Byffes a chyw iar a thwrci a panas a thatws o bob math. Pwdin a brandi a chyrainj a gwin sbeis cynes. Meddwi'n wirion a bondio gyda thelu a ffrindiau. Gwneud ffŵl llwyr o fy hun drwy sdwffio fy ngwyneb â bwyd ag alcahol. Caws. Pate. Caws. Pate.

A beth i gael i bawb. Poeni mod i'n gwario gormod neu ddim digon. Poeni i mi anghofio rhywun. Sgendda fo un yn barod? Ydi hi'n licio gwin?

Fy hoff beth, uwch popeth arall ydi fod pawb yn gweld eu gilydd. Teulu a ffrindiau, mae pawb yn gwneud ymdrech i weld neu i gysylltu a pawb arall. Dwi'n joio bod adra efo mam a dad (yr adra arall) neu adra efo teulu nghariad (yr adra arall arall) yn gwneud dim ond bod yno a mwynhau cwmni ein gilydd. Falla nad ydwi wedi dy weld di ers dolig dwetha, ond mi wnai ymdrech i dy weld di dolig. Os ddim dolig, sdeddfod oce?

Hwyl a sbrii

y Fo

2010-11-29T20:33:00.003Z

Ers i mi benderfynnu gwneud y blog ma fwy dienw (oni bai am y bobl sydd yn fy adnabod yn barod), dwi wedi galw fy nghariad yn f'annwylyd oherwydd fy mod i'n hoffi'r syniad o alw fo yr un peth bob tro fel 'ch bod chi'n gwybod pwy dwi'n siarad amdano heb i mi ei wir enwi.

Tan i rywun ddweud hyn ar fy mlog saesneg;

it makes it difficult for anyone other than yourself to refer to him if you keep the existing name. For example, if I ask: "Hey, how's my beloved today?"

Sydd yn bwynt anheg o deg. Fair point damn you.

A dyma pam y tawelwch. Dwi 'di bod yn trio meddwl am enw newydd i'ng nghariad ar hwn. Gyda mi wedi setlo gyd f'annwylyd ers cyn hired, mae'n anodd newid y patrwm, ond ar y llaw arall mae "f'annwylyd" wedi ei suro rwan, a ma rhaid cal enw, syml ond effeithiol.

Beth, felly, am y Fo? Di huna'n iawn misdyr/misus ffysi?!

Mae o dal yn mynd i fod yn f'annwylyd wrth dagio so pwww i chi.

Hwyl a sbrii

Mi oedd hyfryd

2010-10-10T13:05:00.004Z

Mae'n gwestiwn pwysig mae pawb yn meddwl amdano. Beth i gael fel pryd olaf, petai gennych chi'r cyfle i ddewis?

Dwi'n hoffi'r stori tu ôl fy newis i, dwi'n licio'r ffaith fod na stori.

Noson olaf un o'r coleg oedd hi, a pawb, yn amlwg wedi bod am beint neu chwech. A fel pobl cyfrifol, call, dyma benderfynu peidio prynu kebab, ond coginio'n feddw adra. Gan mai sdiwdant tlawd oeddwn i, supernoodles oedd ar y fwydlen.

Trwy coleg, pasta oedd y bwyd oeddwn i'n ei goginio amlaf. Pasta, sôs o rhyw fath a caws wedi gratio ar y top. Felly wrth goginio nwdl, y temptasiwn wasdad oedd gratio caws ar y top. Am syniad gwirion wir!

Ond, pan wedi meddwi ac yn coginio, dyma ddatgelu wrth fy ffrind beth oedd y demptasiwn. Ac mewn moment sydd megis golygfa mewn ffilm, dyma fy ffrind yn dweud "tria fo, ella fydd o'n neis, ac os neidi ddim, neidi ddifaru am byth" (geiriau tebyg i hyn bethbynnag, rhaid i chi gofio fod na chydig o alcahol yn y corff ar y pryd)

Felly dyma drio, ac mi oedd hyfryd.

A wyddoch chi be? Nid yr alcahol oedd o; mae o dal yn hyfryd. A dwi'n ddiolchgar iawn i'm ffrind, a mi fyddai am byth, am wneud i mi drio rhywbeth sydd o mor hyfryd. Mae o mor neis, dwi di buta dau heddiw. Ffati Ffati Hapi.

Hwyl a sbrii

Annwyd a cwyno

2010-10-05T18:51:00.002Z

Am 2 o'r gloch nos Sadwrn/bore Sul, tra'n fwy meddw na sobor, mi oedd canu ar dop fy llais yn syniad o mor dda.

"Pa mor ddoniol" neu geiriau o'r fath "fysa hi, swni'n colli'n llais ac yn methu gweiddi dydd Llun yn ysgol?!"

Mi geshi annwyd ddydd Sul cynt, a mi odd ysgol dydd Llun wedyn yn amhleserus wrth dishan a sniffio dros bawb ond erbyn dydd Mawrth mi oeddo'n well. Nos Fercher wedyn, a mina bron yn well, BAM! Dyma na annwyd newydd, gwaeth yn taro! Ych, dyna deimlo'n afiach unwaith eto, gyda dolur gwddw wedi ymuno yn y parti. Mi ofynodd disgybl i mi os oeddwn i'n crio ar un adeg. Na, dim ond tisian.

Ond, roedd rhaid aros yn ysgol, a rhaid dysgu gan deimlo'n ofnadwy oherwydd pan gyrhaeddodd y penwythnos, roedd Aber yn galw.

Doeddwn i ddim yn edrych ymlaen i gael penmawr ac annwyd, ond wyddoch chi be?! All was well. Mi oedd y llais yn torri, ond doedd huna ddim byd!

A dyma ni wedi cyrraedd nos Sadwrn, a'r canu a'r gweiddi. A rwan? Dwi'n pesychu dros y disgyblion braidd.

Ond dyna chi wicend gwych yn Aber! Hwyl a sbrii

All quiet on the bloggin front

2010-09-19T10:26:00.003Z

Dwi'n ymddiheuro am y tawelwch. Fy esgus eto fyth yw diffyg ysbrydoliaeth. Ond, y tro hwn mae'r esgus yn glwyddau braidd.

Dwi heb deimlo mor ysbrydioledig a hyn ers amser maith. Mi oedd y seidar yng ngwyl gwydir wythnos dwetha yn llawn syniada am ganeuon, am flogiau, am ffyrdd o fyw. A'r hangover anochel wedyn yn urddasol iawn wrth ddarllen papur ar lan yr afon Conwy, yn fy ysbrydoli i fod gymaint mwy nag ydwi.

Dyddia' yma ma hyd yn oed y cerddoriaeth dwi'n pwmpio mewn i'ng nghlustia cofn i mi orfod diodda eiliad o dawelwch yn fy ysbrydoli. Dwi'n hapusach dyddia yma ar fy mhen fy hun gyda gwifren o bob clust yn dawnsio lawr y stryd. Dosa'm bwys gin i pwy sy'n edrych achos yn fy mhen i, yn fy myd bach twt i, mae popeth yn ffitio pan mae 'na diwn i'w gyfeilio. A dwi'n barod i gyfrannu at y cyfeiliant hwnnw.

Hynny yw, tan i mi eistedd lawr i wneud rhywbeth am y peth. Dwnim sawl gwaith dwi wedi eistedd i lawr wythnos yma i drio rhannu ychydig o'r ysbrydoliaeth ma. Bob tro dwi'n trio, mae'r laptop, neu'r gitar, neu'r piano, yn edrych yn ôl arnai ac yn fy herio.

Go on en

A does dim byd ddigon da wedyn. Dyw fy syniadau ddim digon i newid y byd unwaith manw allan o'm mhen i.

Ac felly ddarllenwr, dyma fy esgus am ddifyg blogio. Nid diffyg ysbrydiliaeth ond diffyg gallu i'w ddefnyddio. Yr holl ysbrydoliaeth a'r oll allai wneud gyda'r peth yw sgwennu blog or flodeuog. Sori guys.

Hwyl a sbrii

Pethau bychain

2010-09-03T16:57:00.003Z

Dim ond rhywbeth bychan
Dim digon, dim gwerth
Dim gymaint a ti'n haeddu
Ddim yn berffaith, na'n brydferth.

Cadw fo yn saff ond paid a'i guddiad
Nid ar silff y mae o fod
Nid ei golli na'i falu yw'r bwriad
Ond ei ddangos a bod yn falch

Efallai nad ydio'n euraid
Na'n sgleinio fel tonnau haul
Ond dyma'ng nghalon, dyma'n enaid
Y gora geidi genai, fyth

Hwyl a sbrii

Bach yn rybish sori, oni jesd isho trio neud wbath gwahanol i ddiwrnod pethau bychain

Nostaljia

2010-09-01T20:46:00.003Z

Dwi'n nostaljic weithia, am amser prifysgol yn bennaf. Ond wedyn mae'n pasio wrth 'mi sylwi fod bywyd yn symud yn ei flaen a dwi dal yn gallu gwneud ffrindia, yfad a meddwi fel oeddwn i o'r blaen. A rwan ma' gin i anturiaethau newydd o'm mlaen fatha cydfyw â f'annwylyd a falla priodas, tŷ ein hunain a babi yn y dyfodol. A ma gin i job dwi'n joio (er swni'n joio cael fy nhalu i neud dim byd yn fwy).

Dwi'n nostaljic rwan. Fuish i'n Aberystwyth wicend ma, a mi oedd 'na ffrindia da, a cwrw da iawn a dwy noson wyllt dda iawn iawn. Neshi lwyddo i aros yn effro tan 5 y ddau noson, heb wneud ffwl yn ormodol o'n hun, na mynd yn emosiynol, dim ond chwerthin a mwydro a siarad petha gwirion. A dyna sydd wedi fy neud yn nostaljic. Dwisho gallu neud huna mwy.

Dwi wedi cynllunio i fod yn brysur iawn dros y penwthnosa nesa, ond ma disgyblion nol yn yr ysgol fory, a buan iawn fydd y gwely yn curo'r nostaljia a'r cyfyrs gwely yn fy swatio'n well na'r degfed peint o seidar.

Hen joban unig di cysgu 'fyd (hydnoed efo'r annwylyd lawr stair yn lladd nazi zombies ar y plêstêshon*).

Hwyl a sbrii

*digwydd bod, syniad ôsym am gêm ydi hwna fyd. Be waeth na zombis? Rhai nazi. (a mi wn i fodo'n ffilm ond dwnim be dio a dwi heb weld o eniwe).

Dim byd llawer

2010-07-21T08:28:00.003Z

Beth mae rhywun fod i wneud gyda 6 wythnos o wyliau? Dydwi ddim yn cwyno plis peidiwch a chamddallt; dwi jesd ddim eisiau ei wastraffu!

Dwi'n mynd ar wyliau am un ohonyn nhw, i ffrainc gyda 12 o'm ffrindiau. Felly dyna ni wythnos wedi mynd o'r 6 ac wythnos arall ddychmygwn i rhwng y trefnu a'r llnau ar ôl dod yn ôl.

4 wythnos ar ôl.

Fy mhroject cynta yw llnau'r ty. Oherwydd fod hynny yn dasg mor enfawr (dio ddim, ond maisho mynadd), dwi di penderfynnu gwneud un sdafell ar y tro. Wythnos arall (yn cynnwys diwrnod o orffwys) wedi mynd.

3 wythnos.

Dwi'n gwybod y gwnaiff y 3 wythnos olaf ma ddiflannu cyn i mi droi rownd, ond yn anffodus diflannu wneith o yn gwneud pethau dibwrpas. Ar gychwyn cyfnod mor briliant o wyliau, dwi ddim isho mynd yn ôl i'r ysgol fel dwi'n gwneud wedi pob gwyliau arall, a phan mae rhywun yn gofyn i mi be wnesh i dros y gwyliau, ateb "dim byd llawer sdi, oddon neis"

Chwech Eiliad

2010-06-28T20:41:00.004Z

5: Bochau'n cyffwrdd, geiriau'n disgyn, cwympo, o geg. Sisial geiriau'n suo, llais yn llonyddu. Eiliad yn tyfu, yn ymestyn i anfeidredd

4: Bochau'n cochi dan anadl rhywun arall. Calon yn cyflymu, calon yn sdopio.

3: Llygaid yn cwrdd a'r byd yn diflannu mewn niwl. Dim ond llygaid a hanner gwen, a thrwyn yn y canol wrth sgwrs. Does dim lliw yn y llygaid, does dim lliwiau yn bodoli mwyach, dim ond llygaid a niwl a thrwyn a cheg.

2: Tawelwch methu curiad calon. Dim ond swn hanner anadl yn mynd ar goll rhywle mewn gwefusau sych cyn cael dianc i'r aer. Ceg yn methu gwenu ond yn methu peidio chwaith.

1: Cysgodion yn cwrdd. Dim cyffwrdd, dim ond cwrdd. Cysgod dau wyneb ynteu fâs o wair melyn? Cewri yng ngolau oren yr haul machlud isel. Cysgodion yn cwrdd. Dim cyffwrdd, dim ond cwrdd.

6: Dim cyffwrdd mwyach. Cysgodion yn pellhau, amser yn ôl i'w tic toc arferol diflas. Dim bochau coch, dim curiad calon. Dim gwen, dim deigryn. Dim ond atgof sisial geiriau laddodd gobaith breuddwyd.

Car

2010-06-15T19:46:00.002Z

Pan ma' pobl yn gofyn i mi pa fath o gar sydd gin i, dwi byth yn deall pam nad ydi "gwyrdd" yn ateb digonnol. Dyna fy ateb i yn syth bin bob tro - dyna ydi'r car i mi: gwyrdd. Pan aeth fi a mam i edrych am gar i mi ei brynu dwy flynedd yn ôl bellach, mi welon ni "car" (enw gwreiddiol, mi wn) ac y peth cynta ddwedon ni oedd ein bod ni'n hoffi'r lliw.

Dim byd am ei faint, ei fêc, ei injan, ei olwynion, ei ddrysau (math yma o beth sy'n bwysig ei drafod aie?), dim ond rhoi sylwad ar liw y car. Rêl dynasus.

W, mi feddylish i, car gwyrdd; mi fydd hwn yn hawdd ei adnabod. Blydi typical, wyddoch chi be? Mana geir gwyrdd ym mhob man! Os dwi'n parcio, mana gar gwyrdd yn fy ymyl, os dwi'n dreifio, mae na un o'm mlaen i. Swni'n taeru nad oedd 'na gymaint a hyn o geir gwyrdd o gwmpas cyn i mi joinio'r clwb.

Mi wn fy mod yn cŵl ond....

Hwyl a sbrii

Byw ar ben fy hun

2010-05-15T13:32:00.003Z

Petawn i'n byw ar fy mhen fy hun mi fuaswn i'n dew iawn iawn. Mi fuasai'r ty yn lan iawn, mid fuaswn i wedi darllen pob llyfr yn y byd, mi fuaswn i'n sgwennu hydynoed mwy na dau flog (ac yn amlach na unwaith bob sul pys) a mi fuaswn i wedi gwylio pob cyfres deledu sydd yn mynd.

Dyna'r canlyniad dwi wedi ei gyrraedd ar ôl un noson ar fy mhen fy hun.

Tydwi erioed wedi byw ar fy mhen fy hun. Byw efo mam a dad, byw ym mhantycelyn, byw efo ffrindia yn Aberystwyth, byw efo mam a dad eto a rwan byw efo f'annwylyd. Anamal iawn ydwi wedi treulio 24 awr yng nghwmni fi fy hun.

Un noson ar fy mhen fy hun a be dwi'n neud?! Bwyta 2 pizza (doedd wir ddim angen yr ail un ond roedd y cynta mooor neis), gwylio lot o deledu, gwylio demon headmaster ar youtube a bod yn fy ngwely erbyn 10 er nad oeddwn wedi blino yn darllen.

Dwi adra ben fy hun eto heno ond wchi be? Dwi'n mynd i'r pyb. Hwyl a sbrii

Newid meddwl

2010-05-07T19:09:00.003Z

Tydwi ddim yn mynd i'r eisteddfod eleni. Tydwi ddim yn gweld sut all yr eisteddfod fod yn well na llynedd. Hefyd, tydwi ddim eisiau campio yn maes B nac yn y maes carafanau a (er nad ydwi wedi gwneud dim ymchwil) dwi heb glywed am unrhywle arall i gampio. A bethbynnag, dwi di trefnu i wario pres mis Awst ar wythnos yn Ffrainc.

Wrth gerdded lawr i'r pentref heno i nol têc awê, â cerddoriaeth yn fy nglustiau, daeth arogl nefolaidd i'ng nhrwyn. Cymysgedd o farbeciw a cwrw. Ac yn sydun, dwi ddim mor siwr....

Bah. Cawn weld.

Pres a gwario (rant)

2010-04-25T14:10:00.003Z

A minna'n athrawes erbyn rwan, mae'r dyddiau o fod yn sdiwdant tlawd yn atgof hunllefys. Er gwaethaf hyn fodd bynnag, rwan fod gin i bres, mae'n ceisio dianc fyth a beunydd drwy dyllau yn fy mhocedi a fy nghyfrif banc.

I ddechrau ma gena ni'r ffaith mai fi sydd yn talu am bron i bopeth yn y ty ma. Fi sy'n talu'r mwyafrif o'r bils, fi sy'n talu'r rent a fi sy'n prynu'r bwyd. Grrr. Newydd gychwyn gweithio ma' f'annwylyd cofiwch felly allaim wir cwyno. Dim ond teimlo weithiau ydwi fod byw yn dwll ddiddiwedd na all fy mhres moi lenwi.

Wedyn mana betha fel peiriant golchi. Petha drud ydi'r rheina fyd ynde?! Ar ôl 5 mis o fyw 'ma dwi di cal digon o orfod gyrru dillad budur i dy mam a dad neu i rieni f'annwylyd. Felly prynu un o'r rheina ar y gweill.

Merch ydwi wedi'r cyfan, mae'n anodd peidio gwario ffortiwn ar ddillad bob mis wchi.

Dwi (y ffwl ydwi) hefyd wedi trefnu gwyliau i Ffrainc dros yr haf. Mana 13 ohona ni'n mynd a gwylia reit rhad fydd o - methu aros! Ond ma bob dim yn mynd drwy fy nghyfrif i felly un diwrnod dwi'n llewyrchus iawn (ar ol i rai ddechrau fy nhalu) a'r diwrnod wedyn dwi'n crafu gwaelod fy overdrafft.

Ac ar ôl hyn i gyd, fyswn i wrth fy modd yn mynd i gwyl gelli gandryll eleni. Dwi'n trio perswadio'n hun mod i'n gallu ei fforddio. Mae'r acownt banc fodd bynnag, yn perswadio fel arall.

Bah hymbyg. Ma arian yn gymhleth!

Miwsic

2010-03-28T11:27:00.002Z

Mae'r miwsic yn cychwyn ac yn sydun maer bobl feddw gysglyd o'ng nghwmpas yn cychwyn dawnsio. Mae cerddediad yn troin gamau cymleth yn swn y banjo a pawb fel petai nhwn canur gan sydd yn fy suo i a fi yn unig. Pawb iw gweld yn rhan or nodau ar mŵd yn newid gydar gan. Rwan rhyw jig ond os sgipiai drac i gan cariad mi fydd ystyr yng ngolwg pob un yn yr ystafell fel mod in blasur "lust" yn yr awyr. Rhyw gan si hei lw rwan i fy suo i a phawb arall ar y llong i gwsg hir ddisgwyliedig. Mae hi wedi bod yn andros o benwythnos hir drud a meddw ond mae caergybi yn y golwg a gallai bron weld fy ngwely.
Hwyl a sbrii a sdawch!

Sgwennwyd ar y llong o iwerddon rhyw fis yn ôl. Sori mod i'n slô!

Iwerddon

2010-03-21T17:36:00.002Z

Mi oedd o'n syniad dddigon syml. Rygbi-Iwerddon-Pyb.

Ond wrth sgwrs, doedd pethau ddim mor hawdd a hynny!

Yn gyntaf, dwi'n athrawes. Mae hyn yn golygu tra roedd fy ffrindiau yn cyrraedd Dylun ddydd Iau, doeddwn i methu mynd tan ar ôl ysgol ddydd Gwener*.

Yn ail, dim fferi tan 2:40am. Bleurgh

Ond dyna ni, nos Wener dyma fi'n cyrraedd Caergybi erbyn 1:30, cyrraedd y llong, ffindio soffa a cysgu am dair awr. Y cynllyn ar ôl cyrraedd wedyn oedd darganfod yr hostel ble oeddwn yn aros nos Sadwrn a gofyn yn neis os y gallwn i gysgu ar y soffa yn yr ystafell gyffredin tan i'r byd ddeffro.

A 6 y bore dyma fi yn Dulyn. A finna yn gyfarwydd gyda'r ffordd ar google maps, dyma fi'n penderfynnu cerdded i'r hostel.

Mi oedd o ychydig pellach na'r disgwyl.

Ond dyna ni, cario mlaen gyda choesau poenus ond yr haul wedi codi a diwrnod o yfed a hwyl o'm mlaen.

Dyma gyrraedd yr hostel a dweud fod gin i bwcing. Fe edrychodd y boi arnai fel mod i wedi gofyn iddo fy nghario i'ng ngwely.
"Ve are cleaning rooms now" medda fo mewn acen rwsaidd trwm.
"I realise that" medda fi "I was just wandering if it was possible to sit in the common room while I wait for my friends to wake up"
"Who are your friends?"
Dyma fi'n rhestru enwau tra roedd o'n edrych trwy ei lyfr gan edrych fel bod pob tudalen yn pwyso tunnell. "I have no names here, only numbers"
"Well is it ok if I sit in the common room until they get up?" dyma fi'n ailadrodd
"Ve are cleaning ze common room"
"Shall I just wait for them somewhere else?!"
"Yes"

Mi wn nad ydio'n edrych fel llawer yma, ond mi oedd o'n ddigon hu i mi ystyried darganfod hostel arall (heblaw am y ffaith mod i di talu deposit)

Felly dyma fi mewn caffi am 8yb yn aros i rywun godi a'm ffonio. Dim ond tair awr o gwsg ydwi wedi ei gael a dwi'n beio derbynnydd yr hostel. Coffi a red bull amdani dwi'n meddwl!

Hwyl a sbrii

*peidiwch a chamddallt. Tydwi ddim yn cwyno am wyliau ysgol, dim ond nodi'r ffeithiau ydwi.

~~~~~~~~~~~~~~~~~~~~~~~~~~~~~~~~~~~~~~
ysgrifennwyd mewn caffi yn Nulyn, yr unig un oeddwn yn gallu ei ffindio ar agor mor gynnar, wedi cerdded mwy fyth o filltiroedd i'w ffindio!

Sgwennu

2010-02-14T21:11:00.003Z

Pan oeddwn i'n fach mi oeddwn i eisiau bod yn fardd, fel taid. Mi oeddwn yn ysgrifennu "barddoniaeth" yn aml a roedd nain wrth ei bodd. Mi oedd bobl yn dweud wrthai eu bod yn dda, ac mi oeddwn i am fod mor enwog.

Dwni ddim pa mor dda oeddwn i cofiwch, dwi'n amau mai fy hiwmro oedd pawb a mai lol simplistaidd oedd fy ngherddi. Wrth i mi fynd yn hŷn, fe ddysgais am arddulliau a chynghanedd a doedd ysgrifennu ddim mor hawdd ddim mwy. Felly mai dderbyniais na fuaswn yn enwog am farddoni. Mi fuasai'n rhaid ffindio ffordd arall.

Blynyddoedd yn ddiweddarach, tydwi ddim yn actores fyd enwog. Tydwi ddim hyd yn oed yn actores wlad enwog, gan nad ydwi'n gallu actio. Tydwi ddim yn enwog gyda fy mand gan fod fy mand yn rybish a ddim yn bodoli bellach. Tydwi ddim wir, yn enwog o gwbwl. Am ddim byd.

Ond dwi'n iawn gyda hynny, dwi'n hapus. Dwi ddim yn enwog, ond dyna ni.

Mi ydwi ar y llaw arall, yn cychwyn ysgrifennu eto. Ond dim barddoniaeth y tro hwn. Mae na eiriau wedi bod yn ratlo o gwmpas fy mhen a dwi'n ceisio eu troi mewn i nofel. Dwi'n cael y teimlad ei fod yn sydun droi i mewn i fymbls hunandosturiol, ond geitho fod yn nofel o fymbls hunandosturiol felly. So bi it. Efallai na fyddai'n enwog, ond efallai y byddaf yn nofelydd.

Hwyl a sbrii

Ty Bach twt

2010-01-26T19:14:00.002Z

Dyma fi yn eistedd yn fy nhy bach twt. Wel, ein ty bach twt - mae f'annwylyd yn byw yma hefyd. Wel, ty bach twt rhywun arall ond deni'n cael ei rentio fo felly mae hynny ddigon da i mi.

Dwin eistedd ar soffa lleder llwyd y gafwyd am ddim ond sydd yn gyfforddus iawn. Mae gennym ni le tan, llyfrau, dvd's a chyrtens blodeuog sydd yn amlwg wedi ei gael am ddim (gan eu bod ychydig yn hyll). A ninnau heb brynu dim bron, y thema deni'n mynd amdano yn yr ystafell yma (wn i ddim os yw f'annwylyd yn gwybod hyn) yw coch. Mae'r to rhwng y beams (oes mae gennym ni beams) yn goch a mana ganhwyllau coch a ballu o gwmpas yr ystafell. Ond ma'r soffa yn llwyd, y throw yn frown a'r cwshins yn frown hefyd. Mae'n miss-matched, ond adra ydio erbyn hyn.

Mae na ddau lofft. Un sydd efo'r gwely neisha yn hanes y byd - hen wely nain. Mae'n fawr ac yn bren ac yn tua 80 oed o bosib. Mae'r llall wedi ei droi yn offis gyda desg i mi a desg i f'annwylyd. Mae fy nesg yn amlwg yn ddesg i ferch gan fod na bethau bach del o gwmpas. Mae desg f'annwylyd yn amlwg hefyd gan fod na ficroscôp anferth, a lot o bethau o gwmpas sydd ddim hanner mor ddel a'm mhethau i.

Mae na gegin lawr stair a sdafell yng nghefn y ty sydd yn edrych dros y mor. Y cynsyrfytri dwi'n galw fama gan fod na lot o ffenestri. Ystafell di-ddim ydi hwn ar y foment ond pan ddaw'r haf fydd on gorjys.

Hwn ydi fy nhy bach twt i. Ddoe gafon ni wê felly dwi di bod yn anweledig tan wan, dydi'r boilar ddim yn gweithio felly deni braidd yn oer, a ma'r sinc yn llawn o lestri budur. Ond dwi'n hapus.

Hwyl a sbrii

Oinc Oinc

2009-09-26T19:34:00.003Z

A finna wedi perswadio'n hun na imiwnedd isel i jyrms plant oedd gin i, dyma fi yn darllen am symtomau ffliw moch:

unusual tiredness, a
headache, a
runny nose, a
sore throat, a
shortness of breath or cough, a
loss of appetite, a
aching muscles, a
diarrhoea or vomiting. r

7 allan o wyth ddim yn arwydd da...

Dwi'n glaf da pan yn gwbl iach, neu pan dim ond syniad o annwyd sydd gin i. Ond pan dwin sal go iawn , ac yn gaeth i'ng ngwely, dwi'n ofnadwy. Mi onin sal yn fy ngwely am ddau ddwrnod a hanner, a di cal digon ar ol yr hanner dwrnod.

Mi oedd isda yn gwely yn gorfod gwylio teli mor ddiflas. Roedd edrych yn brifo, roedd gorwedd yn brifo a doedd dim yn helpu. Blaw cwyno.

Ond, dyna ni, dwin well wan oni bai am y peswch a'r annwyd a'r diffyg apyteit. Felly dyma fi yn nhy f'annwylyd yn trio ffindio job. Gai fynd nol i'ng ngwely plis?!

Hwyl a sbrii

Heb ddim gwell i'w wneud

2009-09-10T17:11:00.002Z

Teimlaf weithiau mod yn greadures ryfedd.

Mae fy llofft i yn fler iawn. Does dim geiriau i ddisgrifio pa mor fochaidd ydi'r lle. Dillad a sbwriel (dim budredd dim ond ambell i dag dillad, ambell i focs carbod a chyffelyb) ym mhob man ar hud y llawr. Tydwi ddim yn mwynhau bod yno o gwbwl, a ma gin i gywilydd bob tro mae fy nheuly neu fy nghariad yn mynd yn agos at y lle.

Mae gin i waith ysgol i'w wneud at wythnos nesaf. Dwin gwybod y fyddai'n ei wneud o nos Sul, yn benmawr ac yn flin. Yn difaru f'enaid na wnesh i o gynt.

Mae hi'n anhygoel o braf tu allan. Yr haul yn disgleirio am y tro cyntaf ers misoedd a finna tu mewn yn cuddio. Fel y daw'r haul allan, mi af innau i mewn. Mae pawb arall yn bocha yn yr ardd a dwin shwr fod na ddigon allwn innau wneud i helpu.

Be dwi'n neud? Isda'n fama wedi diflasu. Edrych mewn i'r pellter rhwng fy llygaid a'r sgrin yn awchu am wbath i neud. Natur ddynol ta od?

Hwyl a sbrii

Esgusion?!

2009-09-10T17:09:00.001Z

Esgusion? Be ddoth dros 'y mhen i?! Esgusodion shiwrli?! Ie?

Hwyl a sbrii

Esgusion

2009-09-09T13:27:00.002Z

Tydwi heb deimlo fel blogio yn ddiweddar, ymddiheuraf!

Fy esgus cyntaf yw fy mod yn anhygoel o brysur. Brysur dros yr haf yn gwneud dim byd, yn mynd ar wyliau, yn mynd am beint neu ddeg gyda ffrindiau, yn cael amser gwerth chweil. Brysur ers y cyntaf o Fedi yn bod yn athrawes. Go iawn. Efo cyfrifoldebau a sdwff.

Fy ail esgus yw twitter. Os dwisho "ventio", mi wnai dros hwnnw yn lle dod at f'annwylyd flog a gneud yn fan hyn. Rhyfedd mod yn gallu dweud mewn 140 llythyren beth sydd yn cymryd 10 gwaith mwy mewn blog. Ond dyna ni.

Fy esgus olaf yw nad oes llawer o flogwyr eraill dwi'n dilyn yn blogio chwaith. Dwi'n gwybod fod hwn yn esgus gwael ond mae'n esgus er hyn. Dylwn i fynd i chwilio am fwy o bobl i'w dilyn er mwyn gwneud yn siwr na allaf ddefnyddio hwn fel esgus eto.

Er hyn gyfeillion annwyl, nid yw'r blogiau am farw. Bydd gennyf wersi rhydd fel hyn yn wythnosol lle dylwn i fod yn gweithio. True to form, byddaf yn peidio gweithio ac yn blogio'n lle (drwy ebost; sori am yr adfyrts ar y gwaelod!).

Felly am nawr, rhaid bodloni ar restr o esgusion. Gobeithio fodd bynnag, yn fuan; normal service will be resumed!

Hwyl a sbrii

Ysbrydoliaeth

2009-08-31T15:38:00.002Z

Tra yn yr eisteddfod (sydd yn teimlo mor bell yn ôl bellach!) mi oeddwn yn teimlo'n yn ysbrydoliedig iawn.

Tra yn yr eisteddfod mi oedd y llyfr bach yn fy mag yn cael lot o ddefnydd. Mi gafodd ambell syniad am gan ei nodi, ambell gan ei sgwennu, blogiau diri eu dychmygu a dwdls athrilythol eraill ei jotio.

Tra yn yr eisteddfod mi oedd gen i wir fwriad o sgwennu mwy o ganeuon a dechrau charae yn gyhoeddus eto (ddim fel baban sgwiral troma, peidiwch a poeni!).

Tra yn yr eisteddfod, mi oeddwn i'n ffwl. Dwi adra ers bron i fis ac er fodna ambell gord wedi'w chwarae, dim byd allai hydnoed ddychmygu sydd yn dda. Dwi heb flogio, dwi heb ymestyn caneuon, dwi wedi gwneud dim o'r plania gwych na odd gin i. Zilch. Nada. Nothing.

A ma ysgol yn dechrau fory. Pryd andros dwi fod i gael amser i fod yn blogio pethau diddorol, perfformio fy nganeuon anhygoel, ricordio fy best selling album cynta A dysgu mathemateg?!

Hwyl a sbrii

16 noson

2009-08-15T16:16:00.008Z

Ar ôl
2 noson yn dolgellau;
8 noson yn sdeddfod;

4 gwlad mewn 3 diwrnod;
a peint a gwin yn beddgelert, dwi adra. O'r diwedd. Nos da. Hwyl a sbrii

Diflannu

2009-07-30T14:05:00.002Z

Dwi am ddiflannu oddi ar gwyneb y ddaear am bethbynnag pythefnos.

Dwi'n mynd i gampio ochra dolgella/machynlleth am ddau noson efo rhieni f'annwylyd, wedyn dwin mynd syth i'r eisteddfod am wythnos, ac ar y dydd Sul, ma rhieni'ng nghariad yn fy mhigo i fyny o'r sdeddfod am 8:00yb a denin mynd i Lundain am 2 noson a wedyn Belgium am ddau noson.

Dwi di bod wrthi drwy'r dydd yn trio pacio am wyliau tent a gwyliau hotel. Mana fagia ym mhobman a dwi shwr o fod wedi anghofio rwbath ond dyna ni. Ma popeth yn charjo tan y funud ola er mwyn cal y maximum defnydd, ma'r car wedi'w lwytho a dwi ar fin cychwyn.

Mi driai dwittro ond fel arall, welai chi ganol mis Awst!!
Hwyl a sbrii

Cuddiad

2009-07-22T11:17:00.004Z

Dwi'n stymblo o dro i dro - yn enwedig dros yr haf pan mae gin i lawer i'w wneud ond ddim terfyn amser penodedig er mwyn ei wneud. Eistedd yn ymyl fy nghyfrifiadur, yn aml yn hanner wylio teledu, tra'n taro cipolwg ar wefanau diflas/diddorol/danteithiol (mana lawer o lunia neis o fwyd yn dod i fyny ar f'un i!).

O dro i dro mi ddof ar draws gwefan sydd yn tynnu fy sylw ddigon i'w ddarllen yn fanwl.

A dyma'r un diweddara'. Ma'n apelio at fy ochr plentynaidd, yn sicr; yr ochr ohonof oedd yn gwylio Art attack pan yn fach ac isho gneud bob dim. Yr ochr ohonof oedd yn llenwi llyfrau diri gyda lluniau a "captions" (e.e. "dyma mam a dad a fi wedi bod yn siopa yn wylwys port").

Mae hefyd yn apelio at yr ochr ohonai sydd yn licio pethau cudd. Pan fyddai'n gyfoethog ac yn/neu'n enwog ac yn cael fy nhy delfrydol, mi fydd yno wal o silffoedd llyfrau gyda un llyfr (â thheitl eironig wrth sgwrs) yn agor drws cudd. Mi fuasai'n hwyl felly cael llyfr/au gyda llefydd cudd ynddo/ynddynt yn y wal yma o silffoedd llyfrau!!

Wedi chwilio mewn amryw o siopa am lyfr oedd yn ddel, yn ddiwerth (gan fod rhaid i mi dorri'r tu fewn!) ac yn berchen teitl eironig, dwi di setlo am lyfr del nad oes gennyf ddiddordeb ei ddarllen. Os ydi hwn yn gweithio, mi chwiliai am un a theitl eironig yn y dyfodol; pan fydd y syniad llai ar fy meddwl (ac felly gallaf dreulio mwy o amser yn chwilio!).

Duw a ŵr be dwi am roi yn y llyfr cofiwch!

Hwyl a sbrii

Y fo

2009-07-11T12:51:00.005Z

Ma'n cerdded i mewn i'r stafell ac yn cerdded syth at y bar. Ar unrhyw un arall mi fuasai crys hawaiian o dan blazer yn edrych yn wirion ond ddim arno fo. A mae o'n gwybod hynny.

Mae o wedi cyraedd ers llai na munud ond yn barod mae na gylch wedi ffurfio yn y dorf o'i gwmpas. Pawb yn ei gyfarch fel na nhw sydd yn ei adnabod orau; yn gafael o'i amgylch; yn chwarae efo'i wallt. Faint ohonyn nhw sydd yn breuddwydio amdano?

Fo ydi calon y parti. Mae cymaint a hynny yn amlwg. Y gwen ar ei wyneb yn dangos i bawb mai dyma sut y mae pethau i fod. Mae'n sicr o'i hun ond ddim mewn ffordd hull. Ddim mewn ffordd hull o gwbl.

Pan mae'r sylw yn lleihau am eiliad, mae'n cymryd golwg sydun o amgylch yr ystafell. I weld beth sydd yn digwydd, pwy sydd yno ac ati. Mae'n aros am fwy nag eiliad ar y ferch sydd yn sefyll yn fy ymyl.

Ond dwi'n gwybod mai meddwl amdanai mae o.

Wedi'w ysbrydoli gan berson go iawn ond ddim yn gyfan gwbwl! Hwyl a sbrii

Dynion Barfog

2009-07-05T10:11:00.003Z

Eshi i chwilio drwy'r archifau am y blog yma cyn cychwyn sgwennu hwn.

Y tro hwn, roedd rhaid trafeilio ymhellach i weld Eric Bogle. St Helens ger Lerpwl. Roeddo'n chwarae yn y Citadel yno. O'r wefan, mae'n trawo fi fel lle y cynhelir discos yn amlach na cyngherddi gwerin, ond dyna ni.

Dyma ni yn cyrraedd am 7:20, gyda'r gig i fod i gychwyn am 8. Dyma ni'n trio'r drws ond roedd o di cloi - drysau ddim yn agor tan hanner awr wedi yn ol y dyn tu ol i'r drysau gwydr. Dim problem, mi oeddwn i'n gwbl fodlon eistedd tu allan am ddeg munud.

Ni oedd y cynta yno, yn aros fel 4 folk geek tu allan y drws. Yn fuan bethbynnag, dyma na bobl erill yn cychwyn cyrraedd. Am gyfnodd, roedd gan pob dyn farf. Dwnim be ma huna'n ei ddweud am ffans cerddoriaeth gwerin, ond dyna ni! Tra'n aros, daeth y dyn ei hun allan a heibio ni i gael smôc rownd gornel. "Good evening" medda fo wrtha ni. Daeth brawddegau megis "wi âr ior bigyst ffans" neu "ai now ôl iôr songs" i'n penau ond drwy lwc "good evening" medda ni yn ôl.

Hanner awr yn ddiweddarach, dyma ni i mewn. Roedd y gig yn hyfryd. Roedd y lle yn llawn ond roedd yn le mor fach roedd yr atmosffer yn wych. Ac er fod rhai o'r dorf yn canu gyda'r caneuon yn mynd ar fy nerfau o dro i dro, roedd yn creu atmosffer gwych adegau eraill.

Ar ôl y gig, pan yn prynu nwyddau, mi geshi'r chord book wedi'i arwyddo gan John munroe ac Eric Bogle. Mi oeddwn i'n trio'n galed iawn i beidio bod yn "ffan" fel y bobl erill ("we sing your songs here all the time"). Drwy wneud hyn, mi ddywedish i "thank you" lot o weithia.

Swish.

Ah wel.

Hwn ydi ei daith olaf o gwmpas prydain sydd yn bechod mawr ond yn ddealladwy. Bydd rhaid mynd i Awstralia i'w weld tro nesa. Bechod de!

Hwyl a sbrii

Diwrnod Da

2009-06-08T11:46:00.005Z

Mae gan bobl sawl ffordd o ddweud os yw diwrnod yn mynd i fod yn dda neu beidio.

Mae rhai pobl yn gweld os allen nhw gerdded o ryw fan i fan arall heb sefyll ar graciau yn y palmant. Os ydyn nhyw'n llwyddo, yna mae hi'n ddiwrnod da!

Efallai fod pobl eraill yn gweld os ydynt yn gallu deffro o flaen eu larwm; neu ei droi i ffwrdd cyn iddo gychwyn canu. Mae un o fy ffrindiau, mi wn, yn gwneud hyn.

Ond ddim fi. O na. Mae gin i ffordd unigryw fy hun. Ar y ffordd i coleg/gwaith mae'n rhaid fi newid "lane" cyn rowndabowt. Os ydwi'n gallu gwneud hyn, heb fynd dros llygaid cathod (dim rhai go iawn) yna mi fydd hi'n ddiwrnod da. Dwi lot gwell yn gwneud hyn erbyn wan.

Mae gin i ddau broblem gyda hyn:

Dwi ddim yn ofergoelus ac yn falch o'r ffaith. ond eto mae'r un ffaith fach yma yn effeithio ar fy niwrnod i?! Dariau!
Mae'r sgil o "swerfio" ychydig yn berryg. Os gai byth ddamwain, yn gwneud hyn gai o....

Hwyl a sbrii

Pethau bach nigli

2009-05-21T17:06:00.002Z

Mae gan fy nghariad fag ger ei wely i ddal rimôt contrôls. Sydd yn syniad gwych (fi ddoth fyny gyda'r syniad) a mae'n gweithio yn dda. Handi iawn.

Ond, a mae o'n ond mawr yn fy marn i. Mae yna rimôt contrôl yn y bag i'r fideo. Digon teg, ydi, ond dydi'r fideo ddim wedi'w droi mlaen na'i blygio i mewn. Dydi'r fideo heb gael ei ddefnyddio ers blynyddoedd!

Yn waeth na hynny, pan ydwi'n rhoi fy llaw i mewn i chwilio am un o'r rimôts, mae ganddyn nw gyd eu nodweddion sydd yn fy ngalluogi i bigo'r un cywir allan heb edrych; mae'r un chwaraewr cd yn llai, ma'r un teli yn grwn ayyb. Ond, ma'r un fidio bondigrybwyll 'ma yn teimlo fel bob un. Bob tro dwi'n chwilio am rimôt, hwnnwn dwin estyn gyntaf.

A dwi wedi dweud hyn wrth f'annwylyd, sawl gwaith. Ond mae o'n gwrthod gadael i mi ei dynnu o'r bag rhag ofn. Rhag ofn iddo fo fod eisiau gwylio fideo am y tro cyntaf ers tua mil o flynyddoedd, rhyw ddydd a methu ffindio'r rimôt.

Dwi'n ama erbyn wan fodo'n cadw'r rimôt yno i fy ngwneud yn flin. Mae'n gweithio.

Grrr! Hwyl a sbrii!

(ar nodyn gwell, dwin gorffen gweithio yn yr ysgol uffern fory! Wooo!)

Cyfathrebu (lack of)

2009-04-26T17:43:00.002Z

Tydwi ddim yn dda iawn yn cyfathrebu - wnai ddim rhoi hwn fel un o fy sgiliau ar fy cv o bellffordd. Dwi'n cael trafferth mawr i siarad efo bobl. Does gin i ddim syniad pam fod hyn yn digwydd, ond mewn sefyllfaoedd cymdeithasol mi ydwi'n berson unig iawn iawn.

Enghraifft. Ychydig o wythnosau'n ôl (dyna pa mor hir dwi di bod yn ystyried blogio!) mi oedd na ddigwyddiad mewn neuadd leol i gofio am mam un o'm ffrindiau. Felly mi es yno gyda f'annwylyd. Wrth sgwrs mi oedd na bobl nad oeddwn yn ei adnabod, felly mi oedd "helo, sut ydach chi" yn berffaith addas. Felly hynny gyda llawer o bobl nad oeddwn yn adnabod yn ddigon da i gael mwy o sgwrs.

Ond gyda rhai o fy ffrindiau nad oeddwn wedi siarad gyda nhw ers gadael ysgol mi oeddwn i'n ocwyrd iawn. Yn dilyn fy nghariad o gwmpas y lle gan nad oeddwn i'n gallu edrych ar ôl fy hun. Yn sefyll jesd tu ôl iddo gan nad oedd gin i ddim i'w ddweud.

Ond mewn digwyddiad i ailagor y neuadd yn fy mhentref i, mi welais lle dwi'n cael hyn. Fi a mam ath i'r digwyddiad a mi oedden ni'n dwy yn eistedd ar gyfeiliorn y grwpiau eraill o bobl. Yn gallu dweud helo i bawb dim problem, ond dim yn adnabod nag yn gallu smalio adnabod neb yn ddigon da i eistedd gyda nhw drwy'r holl beth. Iawn digon teg, petai na rai o ffrindiau fi neu mam yna mi fuasai wedi bod yn wahanol, ond meddwl oeddwn i y fuasai'n braf gallu gneud siarad bach efo bobl yn well.

A dwin shwr chi allan yn y byd go iawn sydd wedi fy nghwrdd wedi sylwi hynny amdanai. Dwi'n ymddiheuro - tydwi ddim yn trio bod yn rwd.

Ond, ma raid bo fin gallu siarad digon da i gael swydd - mi fyddai yn athrawes flwyddyn nesa - go iawn! Wooo!

Ma car fi yn gwell na car ti

2009-04-14T10:21:00.004Z

Dwi'n teimlo ychydig yn blentynaidd, ond fel hyn ma 'mhen i'n gweithio yn aml.

Fel ddwedish i yn y blog dwetha, mae f'annwylyd wedi cael car newydd. Mae o yr un oed a f'un i ond ma'n lan, yn sgleiniog ac yn newydd iddo fo. Mae fy nghar i ar y llaw arall, yn fudr, yn fler, yn torri i lawr ac yn 6 mis oed i mi.

Y temptasiwn oedd felly, yn y blog dwetha i fod yn genfigenus o f'annwylyd. Yn ogystal a hyn, mae gan ei gar o enw lawer gell na enw fy nghar i. Ble na allai fod fwy gwreiddiol na galw 'nghar yn "car" mae ei gor o wedi bod yn "Jenny" ers yr eiliad gyntaf - a mae'n ei siwtio hi i'r dim. Mae hi'n gyrglo o dro i dro (dwr yn rwla lle na ddylid fod) a rwsut ma'n rhoi lot mwy o gymeriad iddi.

Ond ma nghar i lot mwy pwerus. Dwim yn goro mynd i fyny elltydd yn yr ail ger, mi allai gario bobl yn y car heb orfod poeni am eu pwysau a fy nhar i ydi car. Felly ma'n well.

Cyn belled a dwi'n y cwestiwn mae pawb, dim ots beth yw eu hoedran, yn meddwl fel plentyn am rai pethau; "mae nghar in well na dy un di; naaa naaa naa na naaa naa" ond y gwahaniaeth wrth dyfu fyny ydi nad ydwi (fel arfer) yn mynegi'r meddyliau yma.

Mae'r car yn y garej heddiw a dwi wir yn gobeithio geith y broblem ei sortio. Dwi di cael digon o'r injan yn sdopio ac yn gwrthod ailgychwn - dio mond yn digwydd mewn traffig drwg. Pwy ddwedodd fod angen enw er mwyn i car gal cymeriad!!

Hwyl a sbrii

Car

2009-03-27T11:24:00.001Z

Mi oedd ddoe yn ddiwrnod drwg. Mi oeddwn yn teimlo'n sal oherwydd mod i wedi bod o dan lot o bwysau y dyddiau cynt, mi oeddwn i wedi blino am yr un rheswm a doedd fy ngwersi ddim yn rai da iawn oherwydd fy mod wedi mynd syth i'ng ngwely ar ol dod adra o'r cyfweliad (cheshim y swydd ond mi athon oce). Mi oedd gin i gur yn fy mhen ac mi oeddwn i'n gyffredinol reit mwdi.

Felly pan gyrhaeddish i dy fanwylyd, doedd pethau ddim yn argoeli'n dda.

Mi oedd o wedi cael car newydd. Mi oeddwn i mor flin oherwydd cenfigen, mi fuaswn i wedi gallu ei hitio fo! Hollol hollol wirion mi wn, ond ma 'nghar i wedi bod yn charae i fyny yn ddiweddar a mae o wir angen ei llnau, a dyma fo yn cyrraedd efo'i gar newydd sgleiniog. Dydi "glowering looks" erioed wedi bod mor "glowering"!

Erbyn bore ma wrth sgwrs, dwi di maddau i f'annwylyd ac i'ng nghar. Mi geshi chat efo Car heddiw (dyna di enw nghar i gyda llaw...dychymyg gwych sgin i de) ac ymddiheuro iddo am fod yn genfigenus am gar rhywun arall ac esbonio'r rhifau. Mi gyrhaeddish i gwaith heddiw sydd yn golygu nad ydio rhu flin gyda mi...os nad ma'i gynllyn dieflig ydi fy sdrandio ar Ynys Mon!

Dwi'n edrych ymlaen erbyn wan am dreif yng nghar newydd f'annwylyd. Ond mi geith Car ei llnau yn fuan i mi gal sgleinio hefyd!

Hwyl a sbrii

Windows Live Messenger just got better. Find out more!

Byw am wyliau'r haf

2009-03-25T11:33:00.003Z

Dwi'n cofio'r teimlad yma'n iawn. Mae'n braf bod nol.

Doesna ddim rheswm i mi beidio cofio'r teimlad yma cofiwch - dwi heb fod i ffwrdd ers yn hir iawn ond does dim geiriau i ddisgrifio pa mor braf yw hi i fod mewn ystafell gyfrifiaduron prifysgol eto, yn gwastraffu amser.

Mae fy mywyd ar hyn o bryd yn laptops ac yn wersi ac yn x-flies. A dyna'r oll! Dwi'n cael yr hiraeth fwyaf yr wythnos yma am brifysgol: am gysgu, am syrffio'r we, am feddwi ac o fwynhau gwneud dim byd.

Ond wrth i mi eistedd yn mwynhau hyn oll (yn teimlo braidd yn over-dressed yn fy siwt cyfweliad), dwi'n ymwybodol fod posib edrych ar yr ochr dda o'r hiraeth yma. Os ydi pob dim yn mynd o chwith heddiw yn y cyfweliad - a phob cyfweliad arall gai (gobeithio) flwyddyn yma; does dim angen torri calon.

If all else fails eleni, dwin mynd i gael unrhyw hen swydd yn macdonalds am ryw 6 mis a wedyn mynd i drafeilio a chael mwynhau gwneud dim byd mewn gwledydd eraill.

Os ydwi'n cael swydd ar y llaw arall, dwi ddigon bodlon neidio i'r byd go iawn ben yn gyntaf a byw am wyliau'r haf.

Hwyl a sbrii

Notepads

2009-03-07T18:32:00.003Z

Ma gin i fwy o padiau ysgrifennu na sgin i o sgidiau. Dim gair o glwyddau.

Ers i mi fod yn ferch fach dwi wedi bod wrth fy modd hefo nhw. Pan dwi'n clirio'n llofft o dro i dro mi ddoi ar draws un neu ddau a mi eisteddaf yn eu darllen a gwen ar fy ngwyneb.

Y broblem fwysaf sydd gin i ydi fy mod wastad yn ceisio meddwl am bwrpas teilwng i bob un. Tydwi ddim eisiau gwastraffu unrhywun ohonu nhw ac am y rheswm yna, mae bron pob un yn mynd yn wastraff.

Mae'r mwyafrif ohonyn nhw wedi troi yn ddyddiaduron ac wedi methu'n llwyr. Y blog yma yw'r dyddiadur mwyaf llwyddianus gedwis i erioed. Dwi wedi ceisio ysgrifennu dyddiaduron yn gymraeg ac yn saesneg (mae'n ddoniol iawn darllen fy ymdrechion saesneg o pan oni tua 15 ac i gyd yn anksty). Dwi wedi ceisio ysgrifennu rhai ffurfiol a fuasai rhyw ddydd yn gallu bod yn lyfrau - rhai sy'n cynnwys fy hanes ac ati. Dwi wedi ceisio ysgrifennu un ble nad oeddwn i'n cynnwys enwau nag unrhyw ddyddiad, Er mai'r ymdrech yma barodd hiraf i mi mae ei ddarllen yn artaith oherwydd mod i'n edrych yn hynnod dipresed, unig a desperate.

Mae gin i lyfr piws bach oedd am dipyn yn lyfr ysbrydoliaeth. Yn fan hyn yr oeddwn i'n ysgrifennu unrhyw syniadau am gerddi neu am ganeuon. Mi barodd hwn am gyfnod reit hir. Yn mynd yn fleriach ac yn fleriach bob dydd ond yn llawn ysbrydioliaeth gwael gydag ambell i gwpled hyd.

Ond mi ddiflanodd y llyfr yma wedi i mi brynu llyfr lledr du. Ym mlaen y llyfr yma mae'r holl mwydring meddwol. Unrhyw adeg ble mae alcahol yn y corff a mae rhywun eisiau papur neu dwi eisiau cofio rhywbeth, i lawr yn y llyfr yma roedd on mynd. Oherwydd mod i yn cario'r llyfr yma i bob man mi drodd y cefn yn sybstitiwt i'r llyfr piws; yn cynnwys unrhyw ysbrydoliaeth yr oeddwn eisiau ei gofio. Roedd y llyfr yma gin i tan yn ddiweddar iawn. Mae o dal gin i yn rhywle lle nad ydwyf yn ei ddefnyddio. Duw a wr ym mhle.

Tra yn Madrid haf diwethaf, prynais lyfr hyfryd wedi ei glorio a defnydd. A penderfynais wedi cael y syniad gan rywun arall i gynnwys atgofion gwyliau ynddo. Felly dyma fi ar unwaith yn ysgrifennu am Madrid; yn son am bob diwrnod fesul un ac yn sdicio ticedi a cardiau post i mewn. Dwi heb fod ar wyliau ers hynny....

Dolig mi ges i lyfr hyfryd tebyg iawn i hwn gan fy nghariad. A mae o dal ar y bwrdd lle rois i o lawr dwrnod dolig. Mae o wedi ei glorio a lledr brown a mae o'n fy atgoffa o'r llyfr yn indiana Jones. Ond allai ddim meddwl am bwrpas teilwng iddo. Ddim o gwbl. A dwi wir eisiau oherwydd mae'r llyfr yn haeddu cymaint a hynny.

Unrhyw syniadau?

Hwyl a sbrii

Siwgr i frecwast

2009-02-13T11:24:00.001Z

Wnai ddim bwyta siriyl melys i frecwast - mae'r syniad o frosties neu coco pops yn troi arnai a dweud y gwir.

Ar y llaw arall, mi ydwi'n rhoi siwgr ar fy uwd ac ar fy rice crispies.

Mi wnai hefyd, fwyta bara siocled (pain de chcolat) pan yn ffrainc (yn gynnes fel bod y siocled yn toddi...mmmm!).

Bore ma, mi oni'n hwyr oherwydd fy mod yn brysur yn trio pacio at fy wythnos o feddwi a dal i fyny gyda ffrindiau yn Aberystwyth a Chaerdydd ac felly mi oedd rhaid pigo rhywbeth i fyny yn sydun wrth fflio drwy'r gegin i gyrraedd y car. Heddiw gyfeillion, cefais mini fflapjacks a mini caceni chocolate covered rice crispies (ew cymraeg da) a'u bwyta yn y car.

Ond frosties? Coco pops? Frostied shreddies? Ricicles? (ayb) Ychafi, na ddim diolch. Rhu felys i mi yn y bore.

Hen greadures od ydwi weithiau!

Hwyl a sbrii

Get Hotmail on your mobile from Vodafone Try it Now!

Bad day

2009-02-11T12:09:00.001Z

Dwi'n cael diwrnod drwg. A does dim facebook ar gael yn gwaith felly allai ddim "ventio" ar y statws yno. Felly dyma fi. Yn gwastraffu amser ble ddylwn fod yn gweithio yn cael y sdres allan o'm system.

Technoleg yw'r bai bron yn gyfan gwbl. Mi oeddwn wedi paratoi yn gyfan gwbl ar gyfer fy ngwersi ond na, doedd dim yn mynd i weithio i mi. Printer, cyflwyniadau, interactive whiteboards, dim. Sydd yn golygu wrth sgwrs mod wedi ysgrifennu lot fawr iawn.

Doeddd y diffyg technoleg ddim yn ddiwedd byd - mi allai ymdopi'n hollol ffain efo bwrdd gwyn. Y broblem ydi wedyn fod y wers yn mynd yn boring iawn. Ac oherwydd y diffyg taflenni gwaith mi oedd mwy nag arfer o gopio, sydd yn fwy diflas byth. A mi oedd gwaith yn anoddach i'w ddallt, yn enwedig i ddisgyblion sydd yn dysgu yn weledol.

Ond dyna ni, dwi wedi dysgu dau wers ble na wnaeth y disgybliongau eu cegau ond dwi wedi eu cosbi a pnawn ma ma gin i'r dosbarth tawelaf erioed. Fydd yn neis.

Yr eironi yw wrth sgwrs fy mod yn "ventio" fy mhroblemau technoleg i gyd i chi drwy gyfrwng technoleg....

Ar ochr hapusach; dwi am andros o hanner tymor lyfli yn Aberystwyth a Chaerdydd. Dio ddim rili yn gneud gwahanaiaeth pa le fyddai, fydd yr amser yn cael ei dreulio yr un fath: pyb, dal fyny efo ffrindia a pyb (a mbach o rygbi wrth sgwrs)

Hwyl a sbrii

Try Facebook in Windows Live Messenger! Try it Now!

Bwydo'r twrci at dolig nesa

2009-01-19T19:58:00.003Z

Gyda pawb yn mynd ar ddeiet yr adeg yma o'r flwyddyn dwi di penderfynnu newid y trend. Fi yw'r twrci yn yr achos yma.

Dydd Sadwrn mi fwytish i'm mhwysau mewn bwyd.

Amser cinio mi ath teulu f'annwylyd a fi am cantoneese i ddathlu penblwydd priodas ei rieni. Mam bach son am fwyd neis! Mi geshi battered king prawns gyda saws OK a wedyn cyw iar sweet'n'sour efo crispy noodles. Iym iym lyfli jybli.

A finna'n isda na yn trio mwynhau 'mwyd tra ma'r pedwar arall yn bwyta 'fo chopsticks a finna efo fforc. Dwi rioed di buta fo chopsticks o'r blaen ond mi oedd rhaid i mi a'r pwysa' na ar fy sgwydda. Ond wedyn doeddwn i methu mwynhau mwyd achos nad oeddwn i'n gallu pigo fo fyny.

Practis makes perfect ac yn y diwedd mi oeddwn yn gallu pigo'r madarch fyny a bob dim. A buta tan oddna fwyd yn dod allan o'ng nghlustia!

A wedyn ffwr a fi i barti teulu a geshwch be? Mwy o fwyd. Calvery hyfryd. Wir yr - pob dim yn feddal braf a moist a blasus! Er mod i dal yn llawn!!!

Llu fyddai ddim yn agos at y wii fit am mbach ne fydd fy ngraff bmi yn saethu fyny!

Hwyl a sbrii

Y dyfodol

2009-01-13T18:40:00.002Z

Ma'r teimlad i grynhoi'r flwyddyn dwetha wedi pasio, ond rhag ofn iddo ddod yn ol, mae o wedi ei arbed yn y ffeil drafftiau. Felly yn hytrach heddiw beth am edrych i'r dyfodol?

Yn y dyfodol agos; dwi yn y brifysgol am bthefnos arall a wedyn i ysgol newydd sbon. Dwin nyrfys iawn ond yn edrych ymlaen ar yr un pryd. Mae gini gwrs yn Aberystwyth cyn cychwyn yn yr ysgol a dwin edrych ymlaen am mbach o feddwi! Cyn diwedd y mis mae gin i barti gwisg ffansi a dwin sdyc gogyfer a fel beth i fynd.

Ymhellach i'r dyfodol? Gobeithio y fyddai'n athrawes go iawn erbyn diwedd y flwyddyn ac yn gyfrifol am addysgu plant bach fel swydd. Sgeri sdyff yn-ai. Dwin edrych mlaen at allu fforddio'r sdeddfod ac am fynd i llundain efo teulu f'annwylyd. Dwi'n rhyw hanner gobeithio y fydd f'annwylyd wedi cael swydd syn talu lot a lot o bres yn y dyfodol agos fel ein bod yn gallu fforddio mynd ar y "dream-holiday" (tren o llundain i Morrocco gan aros ym mharis, madrid a gibraltar ar y ffordd) ond dwin ama y bydd rhaid i ni gadw hwnnw am flwyddyn.

Ymhellach na hynny, ni allaf weld. Ond pan mae'n digwydd, gobeithio y byddaf yma i sgwennu amdano!

Hwyl a sbrii

Oerrrr

2009-01-05T13:36:00.004Z

Mae hi'n oer. Sylwoch chi?

Does dim heater o fath yn y byd yn fy llofft i. Felly mae hi'n oer. Gwaeth na hynny, mae hi'n OER!

Mi oedd gin i draethawd i wneud dros y penwythnos (y gwir? mi oedd y traethawd gin i ers 3 mis) ac oherwydd mod i angen fy nesg, fy llyfrau, fy ffeiliau ayb, mi oedd yn haws o lawer i mi wneud y gwaith yn gy llofft.

Mam bach, son am oer! Mi neshi ddwyn heater o'r stafell gyfrifiadur ond ma hwnnw gena ni erioed a diom yn dda iawn felly dim ond cynhesu fy mhenegliniau oedd o. Mi oedd gin i fotal dwr poeth ar fy mol, a mi oeddwn yn gwneud yn siwr fod gin i banad wrth llaw i gnesu'n nwylo.

Er hyn i gyd, doedd ddim ynbrofiad pleserus, o bethwmbrath!

Ond, ar y llaw arall, mi oedd gin i reswm arall i weithio yn sydun!

I gysgu? Ma gin i dwfe, blanced flis piws, blanced patchwork, blanced flis coch, sach gysgu a blanced drom wen. A 2 fotal dwr poeth. Dwi dal yn oer goeliwch chi fyth!

Eniwe, blwyddyn newydd dda i chi, dim ond post sydun ydi hwn tra dwin cael fy nghinio. Dwi nol yn y coleg am dair wthnos wan cyn mynd i ysgol arall tan mis mai.

Fel y fasiwn, cewch flog am fy mlwyddyn ymhen ychydig...efallai.

Hwyl a sbrii

Nadolig

2008-12-24T17:57:00.002Z

Does dim blog yn llifo heno mae gin i ofn. Felly mi ddof yma i ddweud Nadolig Llawen i chwi.

Dolig Llawen a dymuniadau gorau.

Hwyl a sbrii

Teimlo

2008-12-19T14:22:00.002Z

Mae gweld y negeseuon sydd yn y cerdyn dwi wedi ei gael gan disgyblion fy nosbarth cofrestru yn lyfli ac yn gwneud i mi wenu. Mae'r anrheg dwi di cael yn gnwued hynny hefyd.

Mae meddwl nad ydwi'n dod yn ol ar ol dolig yn gwneud i mi deimlo'n drist. Dwi wir wedi mwynhau ac yn mynd i fethu'r disgyblion a'r athrawon yma.

Mae meddwl y bydd darpar athro/athrawes arall yn cymryd fy lle ar ol dolig yn gwneud i mi deimlo'n od. Yn yr un ffordd a mae meddwl y byddaf i yn cymryd lle rhywun arall mewn ysgol ar ol y nadolig.

Mae meddwl am geisio am swydd o fewn y misoedd nesaf yn fy nychryn i go iawn.

Hwyl a sbrii

Cinio Nadolig

2008-12-15T10:49:00.002Z

Mae hi'n ddipyn o gamp i goginio cinio nadolig i 12 person. Mae hi'n hydynoed fwy o gamp i wneud hyn mewn 3 ffwrn gwahanol ar dri llawr gwahanol o'r ty. Ond dyna ddigwyddodd ddydd Sadwrn yn nhy fy mrawd a'm ffrindiau yn Aberystwyth.

Mi oeddwn i wrth sgwrs wedi gyrru lawr i ymuno â'r hwyl ar ôl bod mewn parti gwaith yn Llanelwy noson gynt. Felly dyma fi'n cyrraedd yn benmaenmawr i gyd, ond mi oedd rhaid i mi chwerthin wrth weld yr hylabalw!

Yn y ffwrn gwaelod mi oedd y cig oen yn coginio, ac yn ddiweddarach y selsig mewn blancedi (pigs in blankets) hefyd. Yn y ffwrn canol mi oedd yna glamp o dwrci a sdwffin. Ac yn y ffwrn top mi oedd yna datws rhost, panas (hanner â mel, hanner heb), yorkshire puds, moron, sbrowts, tatws mash, grefi ac o bosib rhywbeth arall dwi wedi anghofio.

Mi geshi lot o ymarfer corff wrth helpu i baratoi'r bwyd, mi allai addo hyna wrthoch chi.

Ond cofn i chi boeni mod i'n colli pwysau dros gyfnod y nadolig, mi fwytish i ddwbl pwysa fyt hun o'r bwyd - wir yr. Llond platiad o fwyd lyfli jybli. Geshi fodfadd o shampên a phopeth!

Gyda dau ginio dolig di bod, dwi wir wedi cychwyn teimlo hwyl y nadolig. Geshi foment gwych neithiwr ble oedd pawb adra (yn cynnwys fy mrawd yn ôl o Aber am y dolig) a phawb yn gwylio Elf ar y teledu tra'n trimio'r goeden. Perffeithrwydd!

Hwyl a sbrii

Pythefnos

2008-12-11T15:05:00.002Z

Pythefnos i fynd gyfeillion, dim ond pythefnos.

Pythefnos i bore ma mi fyddaf yn deffro ac amwni, gobeithio, os dwi di bod yn dda, mi fydd anrheg neu ddau yn aros.

Mi wn fy mod lawer iawn rhu hen i gael anrhegion gan Sion Corn, yn enwedig gan fod arnai gymaint o bres i Mrs Corn fel mai, ond allai ddim helpu ond byw mewn gobaith!

Pythefnos i tua unarddeg mi fyddaf yn agor presantau gan f'annwylyd a'i deulu. Mi fyddaf hapus iawn.

Bob blwyddyn mae o'n galw draw am ryw awr cyn mynd i dy ei nain a'i daid i gael cinio dolig. Mae'n hyfryd gallu ei weld!

Pythefnos i amser cinio mi fyddaf yn chwys i gyd wedi helpu mwy nag erioed o'r blaen i goginio'r cinio

Mae mam yn gweithio tan 3 chi'n gweld ac felly mi fydd rhaid i mi goginio. Mi fydd mam wedi paratoi bob dim gobeithio...ne mi fydd na lanast!

Pythefnos i 6 o'r gloch heno mi fyddai ar ben y byd.

Doctor who. 14 diwrnod, 3 awr a 4 munud....

Pythefnos i heno mi fyddaf yn cysgu'n braf â'r wên fwyaf ar fy ngwyneb.

Dwi'n caru'r nadolig.

Hwyl a Sbrii

E-flog

2008-12-10T18:40:00.001Z

Rwy'n ysgrifennu ebostau gyda ebost yn aml erbyn rwan. Mae hyn oherwydd nad ydi blogger ar gael yn gwaith. Ymddiheuraf felly am yr hysbysebion ar ddiwedd bob post. Byddaf yn gwneud fy ngorau i ddileu'r rhain o dro i dro.

Hwyl a Sbrii

Great search results, great prizes. BigSnapSearch.com Search now

hapusrwydd

2008-12-09T18:28:00.000Z

Mi ddeffrish i bore ma yn hapus.

Doeddwn i ddim yn flin efo'r bore am ddod mor sydun, doeddwn i ddim yn flin efo'ng nghariad (yn amlwg, ei fai o ydi pob dim fel arfer), a doeddwn i ddim yn peoni o gwbl mod i'n rhedeg yn hwyr.

A drwy hyn mi adewish i'r ty ar amser. Am y tro cyntaf ers wythnosau.

Peidiwch a gofyn i mi am ba reswm oni'n hapus bore ma: dwni ddim. Efallai mod i o'r diwedd wedi cael digon o gwsg neithiwr. Efallai fod o rywbeth i wneud efo'r freuddwyd hyfryd roeddwn wrthi yn ei gael (mi ddechreuodd o'n erchyll gyda llygod mawr a ballu ond mi orffenodd yn reit bleserus..!..). Efallai mod i jesd yn...wel, hapus!

Bethbynnag yw'r rheswm, dyma yfed (panad) i'r obaith y bydd yn disgydd eto ac eto ac eto.

Hwyl a Sbrii,

emosiynol

2008-11-25T18:27:00.001Z

Petaech chi'n gofyn i mi pam dwi bron byth yn gwisgo colur, fy ateb fuasai mod i'n ddiog.

Petaech yn fy ngweld gyda llygaid coch ac yn gofyn i mi pam y maen't y lliw yma, fy ateb fuasai fod gin i glwy'r gwair.

I fod yn deg, mae'r rhesymau yma yn ddigon gwir: mi ydwi lot rhu ddiog i roi colur ymlaen a dwi'n dioddau o alergeddau yn aml, ond nid dyma'r prif reswm.

Ddoe, mi oeddwn yn gyrru i'r gwaith ac yn beichio crio. Dim am unrhyw reswm mwy nag y ffaith mod i'n ferch, a dwin dueddol o fod yn emosiynol o dro i dro, pan mae'r lleuad yn llawn.

Ac felly pan gyrhaeddish i i gwrdd a rhywun ddoe, mi oedd hi'n beth da nad oeddwn i'n gwisgo colur neu mi fuaswn yn edrych fel panda. Alergedd, unwaith eto mae gin i ofn gafodd y bai am y llygaid coch.

Wedi cyfaddef hyn, mae'n rhaid i chi gofio mod i rhu ddiog i roi colur mlaen ac mi ydwi'n diodda o glwy'r gwair: felly pan welwch chi fi yn lygaid coch i gyd, peidiwch a meddwl yn syth mod i wedi bod yn crio - efallai ddim.

Ond peidiwch chwaith a dweud dim byd cas na thrist na rhu hapus i mi. Rhag ofn.

Hwyl a sbrii

O.N. Cyn i chi adael sylwadau yn poeni amdanai/gwylltio efo fi am fod mor wirion ayb, dwi llawer iawn gwell heddiw!

nadolig a ddaw yn fuan

2008-11-22T18:23:00.000Z

Dwi'n siwr mod i'n cael y math yma o flog yn flynyddol.

Pan mae hi bron yn dderbynniol i feddwl am yr wyl hudol hwnnw, mae fy nghalon i'n methu curiad bob tro rwyn clywed can gan y pogues (unrhywun gan fod pob un yn gwneud i mi feddwl am yr un gan honno adeg yma o'r flwyddyn). Mae fy llygaid yn goleuo bob tro rwy'n cerdded yn y nos ac mae'n oer gyda f'anadl yn diflannu mewn niwl o'm mlaen ac o'n nghwmpas rwy'n gweld goleuadau arafu ceir ym mhobman (rwy'n cysylltu oerni a ciw traffic yn y nos gyda'r adeg yma). Rwy'n cael naid ym mhob cam wrth feddwl am anrhegion (prynu fwy na derbyn; wir i chi) ffrogiau parti, paté a caws.

Ond dwi'n gwrthod derbyn unrhyw deimladau o hapusrwydd ac yn gwrthod edrych ymlaen, ac yn gwrthod meddwl am ddim byd sydd yn gysylltiedig â'r wyl tan y cyntaf o Ragfyr.

Mi wn fod llai na mis i fynd ac y dylai fod yn dderbyniol wan (os yw'r teimladau yna bethbynnag - does dim gofyn i deimlo'n nadoligaidd yn fwriadol!). Mi wn fod y tywydd yn dweud wrthai i gydio yn yr wyl heddiw, rwan, yr eiliad yma. Ond dwi'n gwrthod. Dydd Llun fy nghyfeillion bydd hi'n gyntaf o Ragfyr ac mi gaf ddathlu.

A dathlu rwy'n bwriadu: mewn steil. Byddaf yn yr ysgol tan tua 5. Mewn cyfarfod neu'n gwneud ychydig o waith - dwi heb benderfynnu eto. Ond mae'n rhaid i mi fod yn ôl yn yr ysgol erbyn 7:30 i weld perfformiad o'r sioe felly does dim pwrpas (dyw hi ddim mewn gwirionedd yn bosib chwaith) i mi fynd adra a dod yn ôl. Felly gyfeillion, mi af i siopa nadolig. Rwy'n bwriadu prynu gymaint o anrhegion a sydd bosib, ffrog i'r partis nadolig, a mins pei i trîtio'n hun. A wedyn dwi'n cal mynd i weld y sioe (grîs - mi oeddwn i yn obsessed efo hwn pan oni'n fach a ma be dwi di weld o'r perfformiad ysgol hyd yn hyn yn dda iawn felly dwi shwr o fwynhau!).

Mi fydd ddiwrnod gwych ac anhygoel. Cyn belled fod y disgyblion rwy'n dysgu yn y cyfamser yn bod yn neis efo fi!

Hwyl a Sbrii

Morbid?

2008-11-11T17:36:00.000Z

Annwyl syr/madam

Ymddiheuraf am ysgrifennu mor ffurfiol. Mae'n debygol iawn fy mod yn eich adnabod yn dda, ond gan nad ydwyf yn gwybod pwy ydych chi eto oherwydd na allaf weld i'r dyfodol, mi'ch cyfeiriaf tuag atoch yn ffurfiol fel hyn.

Mae gennych swydd anodd, rwy'n ymddiheuro am hyn. Ond fel person sydd fwy na thebyg yn agos iawn ataf, mi fyswn yn ddiolchgar iawn petaech yn trefnu angladd gwerth chweil i mi gan fy mod yn, wel, gwych!

Nid ydwi'n ysgrifennu atoch er mwyn creu trafferth; dyna'r peth olaf sydd ar fy meddwl. Tydwi ddim eisiau rhestru pop manylun am f'angladd fy hun - rwy'n eich ymddiried yn llwyr gogyfer a hynny.

Ysgrifennu atoch ydwi, er mwyn datgelu mod wedi dewis can angladd. Dyma'r oll mae'r ifanc yn meddwl am angladd - pa gan a gaiff ei chwarae sydd yn mynd i grisialu fy mywyd i'r dim. Ac felly rwyf innau; yn ifanc ac o'r diwedd wedi penderfynnu.

Yn anffodus annwyl drefnwr, dyw'r gan ddim ar unrhyw cd hyd yn hyn. Felly bydd rhaid, os nad yw'r band yn rhyddhau albwm arall, i'r band chwarae yn yr angladd. Ond na phoener, rwyf wedi gwneud cymwynas a chwi gogyfer a hyn - rwy'n adnabod y band yn gymharol dda. 'Chi'n gweld mae'r gan rwyf ei heisiau yn gan gan cowbois rhos botwnnog - celwydd golau.

Rwyf wrth fy modd a'r gan. Petai hi ddim yn gan mor anhygoel o drist, mi fuaswn yn ei chael fel can briodas, ond gan mai cariad yw'r celwydd, nid addas mohoni.

Felly pan fydd fy nghorff yn llosgi, gan mai dyna yw fy nymuniad, rwyf eisiau'r gan yma i gael ei chwarae. Rwy'n ymddiheuro i'r band am sbwylio'r gan

Am nawr bethbynnag, Hwyl a sbrii

Damia

2008-10-28T09:39:00.004Z

Mi oedd gin i flog ar y gweill. Mi oedd o'n mynd i fod yn gall, yn eglur, ychydig yn ddoniol (heb fod yn ormodol), ac yn gyffredinol wych.

Ond, wele:
http://www.isketch.net/
Damia.

Hwyl a sbrii

weithiau (rhan 2)

2008-10-23T18:34:00.001Z

Rwy'n poeni weithiau mod i'n swnio yn fwy serious na dwi'n trio swnio.... ;-)

Hwyl a sbrii

weithiau

2008-10-22T20:07:00.001Z

Rwy'n poeni weithia mai'r label mwya poblogaidd ar fy mlog yw "meddwi". Rwy'n poeni fod pobl yn meddwl mod i'n alcaholic. Rwy'n poeni fod pobl yn meddwl fod rhaid i mi yfed alcahol er mwyn cael hwyl. Rwy'n poeni nad yw pobl yn dallt mod i'n sgwennu am yr amser rwy'n meddwi yn aml gan mai dyna'r amser rwyn cael y straeon gorau i'w dweud.

Rwy'n poeni weithiau fod y label "gwaith" yn dal i fyny efo "meddwi". Rwy'n poeni fod pobl yn meddwl mod i'n work-aholic. Mae hynny yn bell o fod yn wir. Rwy'n poeni hefyd fod llawer o'r blogiau "gwaith" yn trafod y ffaith nad ydwi'n gweithio. Rwy'n gweithio'n galed iawn, oni bai am yr amser pan dwi ddim.

Rwy'n poeni weithiau mod i'n blogio ddwywaith mor aml am "fi" nag ydwi am y "teulu". Rwy'n pryderu fod bobl yn fy ngweld yn hunanol. Rwy'n poeni fod y darllenwyr i'r blog ma yn meddwl mod i'n poeni mwy amdanai nag am fy nheulu.

Ond mwy na dim arall, rwy'n poeni fod "te" ar waelod y rhestr. Mae'n rhaid i ddarllenwyr y blog yma ddallt mod i'n caru te bron gymaint a f'annwylyd; mwy pan mae'r baned yn un neis. Rwy'n poeni nad yw te yn cael y sylw y mae'n haeddu yn y blog yma a'r byd, am fod yn un o'r diodydd mwyaf hyfryd erioed. Mae'n rhaid i mi fod yn y mwd am beint, mae te am byth.

Hwyl a Sbrii

Cymorth

2008-10-16T17:49:00.000Z

Mae hi'n amser unwaith eto, i feddwl am wisg calan gaeaf. Mi ydwi wrth fy modd a chalan gaeaf, ac o wisgo fyny, ac o feddwi. Ac er mod wedi gadael Aberystwyth , mi fyddaf yno am galan gaeaf unwaith eto eleni mewn gwisg anhygoel o wych a sgeri.

Ond, chi'n gweld, dwi angen help. Drwy hyd a lledrith y wê, mae gin i ffydd y fydd yna syniadau anhygoel a gwych ar y blog ma erbyn calan gaeaf. Felly plis plis plis, gai help?! Mi fuasai unrhyw syniadau yn cael eu gwerthfawrogi!

Mae'n rhaid i chi ddallt mod i ddim yn gwisgo fyny calan gaeaf i edrych yn dda. Dwi'n anghytuno'n llwyr gyda'r syniad o enethod yn edrych yn secsi mewn gwisgoedd halawïn. Mewn calanau gaeaf wedi bod, rwyf wedi bod yn dracula (eshi am all out commitment drwy jelio fy ngwallt yn ôl, ond mewn gwirionedd, doedd o ddim mor sbeshal a huna), dwi wedi bod yn zombie (odd hwn yn well, mi oedd gin i fraich wedi ei hanner fwyta i gario o gwmpas efo mi) a dwi wedi bod yn pumpkin (hen oedd y gora oni bai am y ffaith fod fy fat suit wedi malu hanner ffordd drwy'r noson, ond mi allai gael un arall os oes angen).

A dwisho topio hyna eleni. Dwin mynd yn ol i Aber fel rhywun llwyddianus yn y byd go iawn sydd heb golli ei synnwyr o feddwi a hwyl. Dyna'r meddylfryd bethbynnag.

Help os gwelwch yn dda!

Hwyl a sbrii

Gwawr a Machlud

2008-10-13T18:44:00.002Z

Tydwi ddim yn berson bora. No, sir-ee, mornin ain't my thing. A fel rhan o fy nghwrs, ma'n rhaid fi godi am 6:00am a cychwyn o'r ty am 7:10.

Tydio ddim mor ddrwg ag oeddwn i'n disgwyl, mae'n rhaid mi fod yn gwbwl onest: dim ots faint dwi'n mwynhau cwyno am y boreua cynnar ag am orfod mynd i'r gwely yn gynnar, mi ydwi dal yn fyw ac yn mwynhau!

Yn ychwanegol i hyn, pan rwy'n trafeilio yn foreuol, rwy'n cael gweld y mynyddoedd a'r cymylau ar dân wrth i'r haul wawrio dros y mynyddoedd. Mae'n wych bob bora ac yn codi'ng nghalon pan fo'r cwsg dal yn fy llygaid a fy nhraed yn llusgo (yn drosiadol wrth sgwrs - mi fysa traed yn drwm tra'n dreifio yn....drychinebus!).

A phan rwy'n cyrraedd adra, mae'r awyr yn gynnes ac mae'r belen yna o dan dwi prin yn ei weld yn ystod y dydd yn cael ei lyncu mewn i'r môr.

Felly ar y foment, rwy'n byw mewn byd ble mae'r hael yn cyrraedd a gadael yn llawer rhu sydun. Ond tydi'r byd ddim cyn waethed a'r disgwyl, ychydig yn flinedig ond yn goch iawn ei liw. A prydferth iawn iawn.

A dienw wrth sgwrs.

Hwyl a sbrii

Rheoli'r anrhefn

2008-10-03T17:26:00.003Z

Ers wel, erioed, dwi wedi bod wrth fy modd â rheolau. Fi oedd y ferch bosi pan yn trefnu gemau yn yr ysgol, fi oedd yn creu'r rheolau lu, a fi oedd yn trio ychwanegu rheolau i gemau oedd wedi sefydlu eisioes.

Un o fy hoff gemau pan yn ifanc iawn oedd cael mam a dad i fynd i brynu babi o'r ysbyty (sydd yn gwneud synnwyr perffaith wrth sgwrs). Yr ysbyty wrth sgwrs oedd o dan y bwrdd. Mi oeddent yn cyrraedd tedi bêr i ddechrau ac yn ystyried cael y babi yma. "Nachi fabi del, newni gael hwn?" A dyma fi, prin yn hŷn na babi rwy'n dychmygu, yn ysgwyd fy mhen mor gyflym ag oedd bosib.

Wedyn yn cyrraedd dol ac yn mynd trwy'r un rig-ma-rôl eto.

Cyn cyrraedd fi. "Beth am y babi yma?" A dyma fi'r babi yn nodio ac yn gwneud synnau megis "nym nym nym" i ddangos mai fi oedd y dewis iawn o fabi heb os nag oni bai.

Wedyn wrth sgwrs, mi oedd rhaid mynd drwy'r un peth eto ond y tro hyn wrth ddewis enw i'r babi newydd.

Wrth dyfu fyny wedyn (mae'r ffaith mod i wedi tyfu i fyny o gwbl yn ddadleuol os siaradwch a phobl sydd yn fy adnabod) y gem uchod oedd sylfaen y gemau newydd roeddwn yn ei chwarae, yn enwedig pan yn chwarae ar fy mhen fy hun: neb fy eisiau cyn cael fy newis yn y diwedd!

A mae'r creu gemau newydd â lot o reolau a threfn wedi aros gyda mi thrwy gydol f'oes. Ag wrth i mi dyfu yn rhu hen i gemau a ballu (yn llygaid bobl eraill bethbynnag) mi oedd yr eisiau yma am drefn a rheolau yn dangos ei hunain mewn ffyrdd eraill. Mae fy OCD ysgafn yn enghraifft o hyn amwni.

Ond erbyn hyn rwyf wedi colli'r frwydr. Er gwaetha fy ngheisiadau gorau, er gwaetha'r ffaith mod i'n gaddo i'n hun yn wythnosol bron y fydd hi'n well y tro nesa, ac er gwaetha bod yn fy ugeinia wan ac yn gall (i fod), dwi dal ddim yn daclus nac yn drefnus gyda fy llofft na gyda fy ngwaith.

Dwi'n tacluso fy llofft a fy ngwaith penwythnos yma a dwi'n siwr mai'r tro yma fydd yn newid y drefn....

Hwyl a sbrii

Yp-det

2008-09-18T14:27:00.002Z

Ymddiheuraf am y diffyg blogio. Mi ydwi dal yn fyw, neu mi oeddwn i y tro dwetha i mi edrych yn y drych. Mi ydwi hefyd dal i sgwennu'r blog madrid sdeddfod ac eis crims mewn rhannau. Dosna'm lot i fynd.

Ond yn y cyfamser? Dyma fy mywyd:

Tan mis Hydref, dwi ym mhrifysgol Bangor yn astudio i fod yn athrawes. Tydi hyn ddim mor ddrwg a'r disgwyl. Er fod gennyf i lot fawr iawn o waith i neud (gwirionedd), mae gin i ddigon (ish) o amser rhydd i wneud gwaith. Fel pnawn ma. Ond dwin blogio yn lle...
O fis Hydref ymlaen mi fyddaf mewn ysgol. Mae'r ysgolion dwi'n mynd ill dau dros awr i ffwrdd felly bwriadaf dreulio fy amser wedi blino'n lan ac yn gweithio!
Gyda'r nos rwy'n rhannu fy amser rhwng f'annwylyd, fy rhieni, fy ngwaith a fy mlog. Ddim yn deg iawn, ond rwy'n rhannu'r amser.
Pan efo 'nghariad rwy'n diogi, yn breuddwydio am drafeilio i Morocco haf nesa', yn gwylio'r teli ac yn cysgu. Mae o'n gweithio erbyn wan hefyd felly mi ydan ni'n dau wedi blino lot o'r amser.
Pan efo'n rhieni, dwin gwylio teli ac yn bod ychydig bach yn ddefnyddiol (mynd ar ci am dro ayb)
Pan yn gweithio dwi'n darllen
Pan efo 'mlog rwyn cychwyn o'r diwedd ac yn cael gwared o'r holl enwau arno. Os dwi'n mynd i fod yn athrawes, dwi ddim isho i'r plant allu darllen amdanai a gwybod pwy ydwi. Felly ma'r enwa yn troi'n lythrena neu yn lysenwau a ma'r lluniau yn mynd i droi yn blyri. Dwi hanner ffordd trwy 2005 hyd yn hyn!

A dyna fi. Dal yn fyw, dal yn blogio, dal ddim yn neud gwaith.

Hwyl a sbrii

Madrid, Hufen ia, a sdeddfod [rhan 3]

2008-09-10T19:47:00.005Z

Tydwi ddim yn ffan o bel droed, ddim hydynoed chydig bach. Tydwi ddim yn ffan o real Madrid, ddim o gwbwl. Ond pan aethom ni i Estadio Santiago Bernabeu, mi wnes i wir fwynhu. Mi oedd hi'n ddiwrnod hyfryd, mi oedd y tour yn ddiddorol a doedd na ddim rhaid dilyn rhyw berson diflas o gwmpas; roedden ni'n gallu mynd ar ein cyflymder ni'n hunain. Mi oedd y trophy room yn anferth! Yr unig beth drwg sgin i'w ddweud am y profiad yw fod y siop yn lot fawr iawn rhu ddrud (gwirioneddol ddrud - mi oedd beiro yn costio 7ewro!)

Pnawn dydd Sadwrn mi wnaethom ni rywbeth gwirion gwirion iawn. Mi aethom ni am dro i'r parc, yn Madrid, ym mis Gorffennaf, am 2 o'r gloch. Mi oedd hi'n chwilboeth! Mi grwydro'n ni gysgodion y parc yn eu cyfanrwydd mi gredaf, dim ond yn mentro i'r haul pan fo wir angen a bryd hynny yn frysiog tuag at y cysgod nesaf. Ond, daeth ein iachadwriaeth.

Sangria.

Mi eisteddon ni yn y parc am bethbynnag awr yn yfad sangria ac yn gwylio'r byd yn pasio. Mi oedd spiderman yna, a minnie mouse yn ogystal a chymeriadau hyd a lledrith eraill. Ar un adeg, cerddodd gwpl newydd briod heibio yn cael eu lluniau wedi tynnu a mi oedd na ddyn yn chwarae'r ffidl wrth ein hymyl.

Bizzare a dweud y lleia, ond mae'n bosib iawn mai effaith y sangria ydoedd!

Gweddill y diwrnod, rhaid cyfaddef, yr un peth ag arfer. Crwydro'r dref yn bwyta lle bo cyfla, yn yfad sangria pan oedd galw ac yn eistedd ble roedd set. Nefoedd. Piti mai hwn oedd ein noson olaf!

Hwyl a sbrii

Madrid, Hufen ia, a sdeddfod [rhan 2]

2008-09-01T12:36:00.004Z

Yn ol hud a lledrith y wê, bob dydd Sul yn Madrid, ma un o flea markets mwya Ewrop yn cael ei gynnal. Yn ogystal ag ar ddydd sul, ar wyliau cyhoeddus mae'r farchnad ar ddydd Gwener hefyd. Drwy lwc mi oedd hi'n wyl cyhoeddus ac yn ddydd Gwener tra'r oeddem ni yn Madrid.

Doedd o ddim yn edrych i mi fel yr un mwya yn Ewrop o bellffor; bosib ei fod o'n fwy ar ddydd Sul, dwnim. Ond mi wnaethom ni fwynhau crwydro (a gwario mbach) cyn cerdded drwy'r dre (yn dŵrists amlwg efo'n map a'n camerâu) yn chwilio am Gran Via. Ar y ffordd mi sdopion ni am siocled a churros. Hyfrytwch!

Crwydro'r dref, gweld y palas (oedd yn anferth!) cyn mynd am bryd bwyd mewn bwyty bach hyfryd oedd yn cynnig digonedd o ddewis llysieuol.

Dyna un o'r problemau mwyaf am fynd dramor pan yn llysieuol; ffindio llefydd sydd yn gwneud bwyd. Tydw i ddim yn llysieuol ond mae'r rhan fwyaf o'i deulu yn. Mi oedd spaen yn fwy o drafferth nag arfer hydynoed (tydwi ddim yn ceisio dweud trafferth yn y ffordd negatif iawn yma) gan fod spaen wrth ei boddau â ham. (mi oedd na amgueddfeydd ham ymhobman (cymysgedd rhwng bwtchar a bar) oedd yn od iawn i'w weld!).

Wedi'r bwyd hyfryd, crwydro'r dref yn y machlyd a'r nos cyn mynd i'r gwely, wedi blino'n lan unwaith eto.

Madrid, Hufen ia, a sdeddfod [rhan 1]

2008-08-02T18:08:00.011Z

(ma hwn am fod yn flog hir felly mi rannai o mewn i bits bach blasus)

Tro cynta ar awyren. Dyna'r lle oeddwn i, yn eistedd, hanner ffordd rhwng ofn a gorfoledd. Ofn oherwydd fod f'annwylyd a'i fam yn ofn, ac mae'n anodd eistedd rhwng dau berson heb deimlo m'bach o'u teimladau nhw hefyd. Ofn hefyd, gan nad ydi darn mawr trwm o fetel i fod i allu hedfan. Gorfoledd gan fy mod yn hedfan am y tro cyntaf. Gorfoledd gan fod y peth mor wirion o amhosib. Gorfoledd gan fy mod ar y ffordd i Madrid hefo f'annwylyd a'i deulu.

Mi gyrhaeddom ni tua 6 nos Iau, a dal y metro i'r apartment. Heblaw am y gwahaniaeth iaith wrth ordro'r ticedi, mi oedd o mor anhygoel o syml teithio o gwmpas Madrid. Yn bleser hefyd. Mi oedd yr apartment yn fach ond yn neis iawn iawn.

Ar ol setlo mewn, mi athon ni allan i'r dre tua wyth ballu. Ac er mod i'n gwybod o flaen llaw mai bywyd nos ydi bywyd Madrid, doeddwn i dal methu credu pa mor brysur oedd hi yna.

Cerdded fyny i Plaza Mayor wnaethom ni a disgyn mewn cariad efo'r lle. A gyda digon o reswm:

Dodd gin i ddim lle neis o'r nos, ond os goeliwch chi, mae o'n hydnoed fwy hyfryd gyda'r nos.

Dim ond cerdded o gwmpas a mwynhau Madrid a'i strydoedd o siopa bach hyfryd wnaethom ni nos Iau. Ond mwynhau go iawn oedd huna. Hollol gwbwl hapus.

Mi orffennaf yn fama am y tro. Hwyl a sbrii

Graddio

2008-07-22T16:41:00.011Z

Dwi di graddio. Dwi wedi gwisgo'r het wirion a'r clogyn. Dwi wedi tynnu'r llun efo'r disgysgrif ffug. Dwi wedi tynnu miloedd o luniau eraill. Dwi'n raddededig. Ac yn wahanol i be oni'n meddwl pan oeddwn i'n fach, dwi ddim yn berson gwahanol nag yn hen. Dwi yr un hen fi, yr un mor ddiog, yr un mor wirion, yr un mor bróc.

Sydd ddim yn sypreis o gwbwl rili, gan mai dim ond lot o bres am ddim byd oeddo.

Ar un llaw, mi oeddo'n ddwrnod neis - diwrnod allan efo'r teulu, lluniau neis i gofio'r diwrnod, a pryd bwyd hyfryd (ac anferth!) i orffen popeth!

Ond ar y llaw arall? Mi oeddo'n ddrud iawn, yn ddiwrnod anhygoel o hir (cychwyn am chwarter i saith), ac i gyd er mwyn sefyll ar ben llwyfan am chydig o eiliadau yn nodio ar rhyw ddyn neu gilydd.

Ond dyna ni, mae o drosodd rwan, ac er mod i wedi blino'n lan erbyn diwedd y diwrnod, mi neshi fwynhau.

Mi oedd angen wedyn mynd ymlaen i ddolgellau i yfed, meddwi a joio yn seshwn fawr.

Welis wedi cadw'r traed yn gymharol lan!

Hwyl a sbrii

Gwyliau

2008-07-15T19:58:00.004Z

Dydym ni heb fod ar ein gwyliau fel teulu cyfan ers ni fynd am benwythnos hir i'r Gelli rhyw 3 neu 4 mlynedd yn ol. A doedd hynny ddim yn wyliau teulu go iawn: yn lle campio fel oedden ni wedi bob tro o'r blaen, aros mewn ty oedden ni. Oedd ddigon teg am 3 noson, ond dal yn wahanol iawn i'r arfer. Mi dreulion ni lot o amser mewn siopau llyfrau, a lot o amser yn gneud jigso. Hyfryd.

Ond ers hynny, dim. Dim cynnig, dim noson yn yr un gwersylla, dim. Dwi'n ama fod hyn yn bennaf oherwydd fod gin i frawd bach sydd yn rél tínejyr, er gwaetha'r ffaith ei fod o yn 19 bellach. Peidiwch a camddallt, mae o lot gwell nag oeddo, ond dydio ddim yn fy nhrawo i fel rhywun fysa'n mynd ar ei wyliau efo mami a dadi a chwaer mawr ddim mwy. Sydd yn sbwylio'r hwyl i mi tydi?

A gan nad ydyn yn mynd fel teulu ar ein gwyliau bellach, dwi'n dibynnu ar deulu f'annwylyd. Dwi'n mynd i Ffrainc efo nw bob pasg, ac i Madrid wicend nesa. Ma bywyd yn galed ond ma'n rhaid i rywun ei fyw.

Ond nid y gwyliau sydd yn bwysig. Dwisho mynd ar wyliau efo mam a dad, yn enwedig wan mod i ddigon hen i yfed ac edrych ar ol fy hun. Dwi hefyd eisiau gallu cynnig i f'annwylyd ddod efo ni, yn lle derbyn eu gwahoddiadau nhw heb roi dim yn ol drwy'r amser.

Ma' mam a dad bethbynnag, dal yn mynd ar eu gwyliau, heb fi a'm mrawd. Dwywaith y flwyddyn os nad mwy. Braf iawn arnyn nhw. Peidiwch a camddallt, mae'n bwysig iddyn nhw gael amser i'w hunain (*shudder*) ond...wel, dwisho bod yn hunanol!!

Mae mam a dad ar eu gwyliau ar y foment, ac mai'n braf iawn cael y ty i fi a'm mrawd. Mae hi'n braf iawn peidio goro llnau'r ty cyn i mam gyradd adra, ond gneud pryd denisho yn lle. Peidio goro poeni mod i wedi anghofio gneud rhywbeth...

...tan manw'n cyradd adra dydd Iau bethbynnag!

Hwyl a sbrii

Dysgu o gangymeriadau

2008-07-14T21:31:00.007Z

Dwi wedi ystyried sawl gwaith symud y blog yma i wordpress. Dwi ddim yn siwr iawn pam, ond ma'n swnio fatha syniad da. A'r gobaith yn y dyfodol ydi cael un cyfeiriad we sydd yn lincio i wefan lle mana ddewis os mai'r blog yma ta'r un saesneg dechi'n cyraedd.

Swish.

A mi benderfynnais fod wan yn amser da i wneud hyn, gan fod gin i dros yr haf i'w wneud o, ac yn ogystal a hyn, dwi yn ceisio gwneud y blog yn fwy "anonomous" cyn dod yn athrawes. Chos dwi ddim ffansi cael un o fy nisgyblion yn darllen am fy "drunken escapades" fel petai.

Yn anffodus, dydio ddim yn gweithio felna.

Tro dwetha i mi drio, mi lwyddish i gyraedd nunlla gan nad oeddwn i yn gallu ffindio nunlla i fy hostio am ddim. Chos dwim yn dallt.

Ond troma mi oni'n meddwl mod i wedi'w dallt hi; wedi cael y syniad gora erioed. Gofyn i fy mrawd wneud o i mi. Gwychder pur.

A mae o wedi gneud bob dim i mi. Ond allai ddim ei weithio fo. Damia wir!

Mana bosibilrwydd mawr cofiwch fod y peth yn syml iawn, ond mod i wedi lladd i gyd o fy brain cells wrth yfed gormod dros y penwthnos.

Hwyl a sbrii

Prysurdeb

2008-07-08T07:00:00.002Z

Wel, dyma fi unwaith eto, heb geiniog i'm enw a dim ond gwario i edrych ymlaen ato! Mewn gwirionedd, mae'r diffyg gwaith yn beth da ar y foment, gan fy mod mor an hygoel o brysur!

Wythnos yma, dwi'n helpu dad efo'i lechi - ma'r amser o'r flwyddyn wedi cyrraedd ble mae o wedi cael ordor gin CADW a mana filoedd o lechi i'w oilio. Mae oilio llechi yn swydd ddiflas iawn iawn ac yn un o fy nghas bethau. Dwi'n cal coasters, yn eu rwbio mewn carped sydd yn damp efo linseed oil, rwbio'r llechi eto mewn carped sych, sdicio ffelt ar y cefn, rwbio'r ochrau yn y 2 garped a wedyn eu sychu gyda clwt sych. Eto ac eto ac eto.

Ond dyna ni, dwi wedi dod adra o dy f'annwylyd am hanner awr wedi saith yn y bore i oilio llechi bore ma er mwyn gallu cael rhyw fath o hwyl bore ma.

Wicend ma, ma angen dathlu penblwyddi dwy o'm ffrindiau - sydd yn rywbeth i edrych ymlaen ato!

Ond penwythnos nesa mae'r gwir brysurdeb yn dechrau. Wythnos i ddydd Gwener, dwi'n graddio. Dwi dal yn gweld hyn yn anhygoel a dwi wir ofn y seremoni. Dwi'n cofio gweld lluniau o seremoni graddio mam pan oeddwn yn fach a meddwl ei bod hi'n hen. Gwirion, mi wn ond fel yna mae meddwl plentyn yn gweithio! Ond wan dwi'n hen!!

Wedyn, ma seshwn fawr. Gobeithio neith mam a dad brynu peint ne ddau i mi yn fana gan fy mod wedi graddio!!

Ar y dydd Llun wedyn mae f'annwylyd yn graddio. Trip i Lerpwl felly i sefyll y tu allan i'w seremoni graddio. (doedd o methu cael ticed i mi, ond dim ots)

Dydd Mawrth? Ma gin i gyfweliad i wneud cwrs dysgu ym Mangor.

Dydd Mercher, dwi'n gobeithio rasio'r tren yng Nghaernarfon. Ras 5km ydi hwn o Ddinas i Gaernarfon. Dwi wedi rhedeg hwn o'r blaen, dim ond o ran chydig o hwyl. Tro dwetha i mi ei redeg, mi gurodd f'annwylyd fi, sydd yn ddigon teg, ond mi gurodd ei frawd bach fi hefyd...chydig bach yn imbarrasing. Gobeithio fyddai mbach gwell eleni gan fy mod yn gallu rhedeg milltir a hanner heb gormod o broblem erbyn hyn...sydd yn ddechrau.

A wedyn dydd Iau, dwi off i Madrid. It's a hard life but someone's gotta do it!

Fydd hi'n neis cal brec i fynd i sdeddfod...os fydd gin i bres!

Eniwe, mi onin mynd i gal rant am drefn newydd Radio Cymru, ond nai adal hwnnw am wan. Os fydd o dal yn fy nghorddi pan fyddaf yn blogio nesa, mi gofnodai fy ngwylltineb bryd hynny!

Hwyl a sbrii

Geshwch be?!

2008-06-27T13:33:00.002Z

Dwi'n cal graddio! Dwi actiwli wedi llwyddo pasio digon o arholiadau i gael gradd mewn mathemateg. 3ydd ydio, ond dal, mae'n radd!

Mi geshi wybod fore dydd mercher ac i ddathlu mi nath mam brynu champagne a cacen i mi. Weeel, sparkling wine a jaffa cakes, ond ma'r dathlu dal yno dydi?!

Dwi wedi gorffen ym mhrifysgol Aberystwyth am byth. Yfory mi af i nol yr ola o fy mhethau o'r ty yn Aberystwyth ac mi fyddaf wedyn yn byw adra am bethbynnag blwyddyn. Scary stuff!

Hwyl a sbrii

Penwythnos osym

2008-06-23T17:19:00.003Z

Wel, nachi'r haf wedi dechra go iawn. Mi gyrhaeddish i adra ddoe wedi blino'n lan ac yn drewi dipyn go lew. Gwychder yr haf wedi cychwyn o'r diwedd.

Dydd gwener
Cael lifft lawr i Aberystwyth a wedyn parti pwnsh yn nhy newydd fy mrawd yno. Ma pynsh yn lethal. A minna yn downio gymaint a phosib gan modi'n trio arbed arian a doedd y pynsh ddim yn fy meddwi bethbynnag. Hynny yw tan i mi adael y ty i fynd i gig texas radio band yn yr Angel. Dau beint o siedr yn fana ac wedyn dwi jesd abowt yn cofio mod i wedi mynd adra i'ng ngwely ar ol gwario dim ond £10 (£5 o hwnw ar fynd i mewn i'r gig!).

Dydd Sadwrn
Brecwast yn varsity er mwyn trio sobri ein designated driver. Yno trafod y planiau. Y plan gwreiddiol oedd cael tacsi i Llanrwst ac aros yn ty rhywun yn fana. Ond doedden ni methu cael tacsi. Felly ystyried campio ym mlaenau - doedd hi ddim yn dywydd neis iawn felly cysgu yn y car oedd y dewis terfynnol.

Wedi i'r gyrrwr sobri dyma ni off i Blaenau. Cyrraedd y clwb rygbi a phwy oedd yn chwarae oedd Meic Stevens. Doeddwn i ddim hydnoed yn gwybod fodo yn chwarae yno (mi oni jesd wedi mynd gan mod i di joio'r flwyddyn gynt). Gwychder pyr. Mi joiais Y rei wedyn hefyd, am y tro cynta erioed.

Wedyn meddwi wa mwy o fandiau. Mi oedd cowbois yn wych (fel arfer) a mi fwynhais Gai Toms fyd. Wedyn mwy o feddwi...a wedyn....

Dydd Sul
...deffro yn y car a sylweddoli fod trio cal 4 person i gysgu mewn car bach piws (rél dynas dydw, dim syniad be odd y car. Dwim yn shwr osoddon biws chwaith a dweud y gwir yn onesd...pwis-i-glas-ish) yn syniad sdiwpid. Bach o tait ffit.

Dipyn o fwynhad i gal yn y bora wrth glywed straeon pawb. 2 yn cal walk fach neis yn chwilio am dafarn (mi oedden nw yn cerdded am rhyw hanner awr go dda). Un yn cal shelffiad yn gefn i fan (ond diom cweit yn cofio) a huna ar ol dreifio'r fan o un carpac i un arall (diom yn cofio dim am huna) gan falu ei wing mirror ar y ffordd.

Wedyn off a ni i chwilio am gaffi. Mi gerddon ni am dipyn heb weld dim caffi agored. Yn y diwedd mi ofynen ni i ryw ddynes os oedd hi'n gwybod lle oedd na un. Mi ddilynon ni hi a mi gerddodd hi at ddrws ac ei agor a voila - hi oedd pia'r caffi. Brecwast llawn hyfryd yn fana a sawl panad a wedyn isda yng nghefn fan ar air-bed yn siarad ac yn chwerthin am ddim byd (ac yn teimlo fel mod in cymryd drygs er mod i ddim).

Eniwe, ma hwn yn mynd yn hir. Felly dyma weddill y stori yn sydun - isda yn carpac blaena, isda yn carpac traws, isda mewn pyb yn traws, chinese takeaway, gwylio national treasure 2, chwara gem, adra, gwely.

Gwych, Hwyl a sbrii

Pet Peeves

2008-06-16T16:33:00.004Z

Ers cyrraedd adra ma'na lot o betha wedi dechrau fy ngwylltio gormod. Digon teg gwylltio ond ddim cweit gymaint ag ydwi. Digon teg trafod y gwylltio hyn â phobl erill ond ddim ei drafod eto ac eto ac eto. Felly dyma eu trafod mewn blog a cheisio cael eu gwared o'm mhen: er fy mwyn i a fy nheulu.

Bysus
Mae'n ddiogn o boen i orfod dal bys i bobman bethbynnag ond dwin shwr ei fod yn anoddach yng ngharmel. Does dim bysiau ar ddydd Sul nag ar wyliau'r banc fell dim penwythnosau i ffwrdd heb fod yn barod i gerdded 2 filltir adra. Ond dwi i raddau wedi derbyn hyn, jesd abowt.

Ond mae'r ffaith fod fy mysiau i gyd yn mynd drw bob man a nunlla yn fy nghorddi i yn llwyr. Dwin gwybod fod rhaid i'r bysiau fynd drwy'r llefydd yma, fel y mae rhaid yddyn nhw fynd trw Carmel, ond tydwi ddim eisiau bod arnyn nhw! Dyw hi ddim yn fod i gymryd dros hanner awr i neud taith llai na chwarter awr. Dwin gwybod nad yw hyn yn swnio mor ddrwg a hynny ond yn ychwanegoli hyn mae'n costio 50c yn ychwanegol i mi ddal bys o fama na fuasai i mi o 2 filltir lawr y ffordd. Anhecwch!!!

Gwaith Ffordd
Mae'n teimlo fel fod Gwynedd gyfan wedi troi mewn i un rhes gyfan o waith ffordd. Mi gymerodd awr yn ychwanegol i mi gyrraedd rhywle (ar fys) diwrnod o'r blaen yn gwbwl oherwydd gwaith ffordd. Mi oeddwn wedi colli'r awydd i fyw erbyn diwedd!

Pryfid
Ma hyn yn digwydd i mi bob blwyddyn. Mana bryfid Ym mhob man yn y ty ma. Wel, dim mwy na rhyw 5 ne 7 mewn gwirionedd ond manwn niwsans iawn iawn. Dwin cael ambell foment o redeg o gwmpas y ty yn trio dal y pryfid sydd yn gwneud i bawb arall edrych yn od arnaf fi ond dyna ni. Hwfro nw ydir ffordd ymlaen.

Dyna ni am wan. Dwin teimlon well wan. Ymddiheuraf am y rantio a'r creulondeb i anifeiliaid. Hwyl a sbrii

Diwedd cyfnod

2008-06-12T15:46:00.003Z

Dwi wir wedi gorffen coleg. Ma raid mod i - fy mod i nawr yn y byd oedolyn go iawn ydi'r unig reswm allai feddwl amdano i gael dau pryd bwyd posh mewn wythnos!

Yr un cynta oedd pryd neis o fwyd yn lerpwl i ddathlu penblwyddi cynnar/hwyr bron i bawb oedd yn byw efo f'annwylyd (a finna hefyd gan mod i wedi dathlu fy mhenblwydd yn 21 y dydd llun blaenorol). Mi aethon ni am fwyd i Circo yn y docks ac mi ydoedd hyfryd!* Mi geshi mushroom rarebit a spinaich naan pizza. Hyfyrd. Hwnnw oedd y caws ar dost hyfryta gefais erioed ac mi oedd y pizza yn lyfli jybli hefyd ac yn ddigon hawdd i'w wneud fy hun (naan bread, tomato puree, spinaich, caws cryf). A mi rannais bwdin toffi sdici i orffen.

A'r ail bryd ym mron eifion criccieth i ddathlu penblwydd 21ain fy ffrind gorau. Ar un llaw swni'n anhebygol iawn o fynd yno a finna yn talu ond ddim ond oherwydd fod £30 yn fwy na sgin i yn y banc. Ond ar y llaw arall mi oedd y bwyd yn benigamp. Parafit iau cyw iar a thost i ddechrau oedd yn ddigon blasus i fwyta fel bob pryd am fis. Belly porc wedi'w socian mewn afal wedyn efo llusiau a ballu a tart siocled tywyll efo hufen ia i orffen. Iym iym iym!

A dyma fi. Adra am bethbynnag blwyddyn heb geiniog yn fy mhoced! Oleia mod i wedi cael wii ar fy mhenblwydd i fy niddanu. Ffindio job fydd nesa mashwr. Bleuch.

Hwyl a sbrii

*Mi fydd lluniau pan gai gopi ohonyn nw

Teimlo'r straen

2008-04-29T15:12:00.003Z

Dwi wedi dweud ers mod i'n ifanc iawn fy mod eisiau rhedeg marathon Llundain pan oeddwn i'n 18. Pan oeddwn i tua 16 fe ddywedodd fy mrawd yr hoffai ef ei redeg gyda mi felly mi newidiais yr oed a dweud fy mod eisiau rhedeg marathon llundain pan oeddwn i'n 21. Dwi'n 21 mewn mis a dipyn ac wedi rhoi fy enw i lawr i farathon llundain flwyddyn nesa. Dyw fy mrawd heb.

Dwi'n rhedeg 2 waith yr wythnos a hyd yn hyn mae'n mynd yn dda. Mi ddechreuais i drwy redeg cylch 1.7 milltir o gwmbas Aberystwyth ond yn methu rhedeg dim mwy na tri chwarter milltir heb stopio ac wedyn yn rhedeg oddeutu hanner milltir arall adra a cherdded y chweddill (dwi wastad yn cerdded chwarter milltir i coolio lawr). Erbyn rwan dwin gallu rhedeg milltir a mwy heb sdopio ac yn gallu rhedeg tri chwarter milltir arall wedyn ar ol hoi fach. Dwi wedi goro gwneud cylch my sydd rwan yn 2.6 milltir.

Ar ol 3 wythnos o redeg dwin meddwl fod hyn yn dda iawn! Dwi eisiau gallu rhedeg y cylch 2.6 milltir yma yn reit dda cyn i mi fynd adra am yr haf gan fod y "cylchoedd" sgin i o gwmpas adra i gyd yn fwy na 2.8 milltir.

Mae'n amlwg i mi mod i wedi gwthio'n hun yn gletach nag arfer ddoe wrth i mi redeg y cylch 2.6 milltir am y tro cyntaf gan fod fy nghoesau yn stiff am y tro cyntaf ers hir iawn iawn heddiw. Ddim yn stiff iawn cofiwch, ond dwin gwybod mod i wedi bod yn gwneud ymarfer corff ddoe!

Dwi'n edrych mlaen i fynd eto fory a bod yn gwbwl onest, dwi bron yn gallu gweld fy hun yn mynd 3 gwaith wythnos yma. Mi wn na ddylwn i wthio fy hun yn rhu galed, ond mae'r awch am redeg yn mynd i ddiflannu yn y pen draw felly waeth i mi fwynhau tra gallai!

Mae na fwy o flogiau o Ffrainc i ddod, ymddiheuraf am fethu bod yn ymul y cyfrifiadur gyda'm mhapur ers dipyn!

Hwyl a sbrii

Ffrainc - Diwrnod 3 - Adar

2008-04-03T21:52:00.004Z

Heddiw mi aethom ni i warchodfa adar. Sydd yn beth ddigon dewr i mi yn fy marn i gan mai adar yw un o fy ofnau mwyaf. Ond wedi dweud hynny, doeddwn nhw ddim yn hedfan o gwmpas rhyw lawer, heb son am fflapio yn fy nwyneb! Tydio ddim yn ffobia o bellffordd (er ma' f'annwylyd yn ffobia pan ma'n sdyrbio ar fywyd o ddydd i ddydd a dwi'n dueddol o gadw i ffwrdd o adar pan yn bosib); yr unig phobia dwi di gal erioed ydi disgyn am yn ol a dwi wedi concro hwna i raddau helaeth...ish.

Eeeeniwe, gwarchodfa adar. Mi sylwais heddiw cyn lleied dwi'n gwybod am adar. Mi oedd pawb arall yn pwyntio adar allan ac yn eu henwi yn syth. A finna yna efo binoculours wedi'w menthyg, ar gora oni'n gallu'w wneud oedd mynd "ylwch, aderyn". Mi welais i lot o adar ond peidiwch a gofyn i mi pa rai oedden nhw! Mi oedd na greebe neu ddau, stork, hwyaiad, crane, avocets (er mod i'n mynnu galw nw'n advocat) a llawe iawn mwy o rai dwi heb glywed amdanyn nhw o'r blaen ac wedi anghofio amdanyn nhw syth wedyn bethbynnag.Mi oedd yr hanner cyntaf o'r diwrnod yn dda iawn; mi oeddwn yn mwynhau fy hun er fy niffyg gwybodaeth. Ond wedyn disgynnodd y tymheredd; mae'n rhaid ei fod o wedi - pan gychwynnom ni, doeddwn i ddim wir angen het ond erbyn pan oedden ni hanner ffordd drwy'r warchodfa mi oedd hi'n bwrw eira ac mi oedd fy nwylo wir yn teimlo fel eu bod yn mynd i ddisgyn i ffwrdd.

Dwi erioed wedi gwneud gymaint o groeseiriau yn fy mywyd fel cytanswm ag ydwi wedi'w wneud wythnos yma - dwi'n dechrau eu mwynhau! Y rheswm deni'n gwneud gymaint dwi'n meddwl ydi achos fod y trydan dal ddim yn gweithio!! Mi drion ni wylio ffilm heno ond i drodd y trydan ei hun i ffwrdd hanner ffordd drwy'r ffilm gan olygu fod y ffilm yn anhygoel o dawel! Niwsans iawn iawn.

Ah wel, Abbeville fory. Hwyl a sbrii

Ffrainc - Diwrnod 2 - Nadolig Llawen

2008-04-03T21:36:00.004Z

Dyma ddymunodd mam f'annwylyd i'w gefneither bore ma. Dim joc fel ma bobl yn gneud weithia: dweud y peth anghywir yn fwriadol, ond cangymeriad hollol onest.

Pasg hapus oedd hi'n feddwl wrth sgwrs. Mi geshi diwrnod plentynaidd iawn heddiw gan ddechrau gyda chwilio am wyau pasg bacho gwmpas llawr gwaelod y ty.

Brecwast cyntaf yn y ty heddiw; croissants, french stick a jam. Gorjys. Yr unig broblem oedd fod y trydan dal ddim yn gweithio ac felly doeddwn i methu rhoi fy nghroissant yn y microwave - croissant cynnes yw fy hoff mrecwast yn y byd i gyd yn grwn.

Wedyn ymlaen i explorio'r dref ac i chwilio am y farchnad. Ac wrth sgwrs wedyn mi oedd rhaid hmmio a hoooio os dwi'n mynd i brynu hyn neu'r llall cyn setlo am dop llewis hir du a maroon sydd yn edrych fel dillad gwrach.

Gan fod hi'n ddydd Sul y pasg mi dreulwyd y prynhawn yn gwneud croeseiriau ac y chwarae cuddiad yn y ty tra roedd hi'n wlyb ac yn afiach tu allan! Hyfrytwch!

Wedyn, fel pob blwyddyn arall, chwarae gemau rownd y bwrdd. Cranium oedd hiheno, sydd wastad yn hwyl. Y gorau dwi'n meddwl edd gweld tad f'annwylyd yn trio actio "fairy cake" - doniol iawn. "Hairy shake" oedd y peth natho actio yn y diwedd; ond dim ta ar ol iddo fo drio actio fel tylwyth teg!

DVD a gwely wedyn - pa ffordd gwell o dreulio dydd Sul?! Allai ddim meddwl am ddim un llawer gwell fy hun!

Hwyl a sbrii

Ffrainc- Diwrnod 1 - Ffawd

2008-04-03T19:44:00.004Z

Tydwi ddim yn credu mewn ffawd. Tydwi ddim eisiau i fod yn gwbwl onest; ma'r syniad yn fy nychryn i; dwi'n hoffi meddwl mai fi sydd yn dewis fy nyfodol ac nid rhyw gyfarfod yn y goruchaf.

Ond ar ól diwrnod fel ddoe mae credu mewn ffawd yn dod yn haws. Mi oedd hi wir yn teimlo fel nad oedden ni yn fod i ddod i Ffrainc, mi oedd na rhyw bwer yn rhywle yn ein herbyn.

Mi ath y daith rhwng West Brom yn well na'r disgwl; dim eira na traffic pasg yn arafu'n taith. Mi oedd hynny'n golygu wrth sgwrs ein bod yn eistedd yn Dover am awr a hanner. Pen ol sgwar ta be?!

Ar ol awr a hanner mi ddywedodd rhywun fod y llong wedi canslo. Felly mi oedd rhaid darganfod ffordd arall i Ffrainc. Mi oedd Bolougne a Calais wedi cau felly roedd rhaid hwylio i Dinkirk oedd rhyw hanner awr ychwanegol o yrru yn Ffrainc.

Mi oedd rhaid cyrraedd Ffrainc yn gyntaf wrth sgwrs. Am 5 o'r gloch mi hwylio'n ni mewn gwyntoedd gale force 9 i Ffrainc. Mi oeddwn i'n oce diolch byth ond mi oedd na dipyn o bobl yn edrych yn wyrdd ar y llong!!

Wedi cyrraedd a gyrru am ddwyawr lawr yr arfordir i Saint Vallery Sur Somme, mi oedd y caffi lle oedden ni'n fod i bigo'r goriadau i fyny wedi cau; felly mi oedd rhaid ffonio a nocio ar ddrysau a poeni am orfod cysgu yn y car am 11 o'r gloch y nos. Mi agorodd y bobl sydd ar eu gwyliau yn y fflat drws nesa y drws allannol i ni (rhannu coridor) ond mi oedden ni dal yn sownd mewn rhan bach o'r adeilad oedd ddim digon mawr i ddal 8 person o bellffor!

Yn y pen draw mi fuodd rhaid i ni dorri'r drws i lawr. Mi gafon ni ganiatad (yn ol son), ond mi oeddwn i'n eistedd yn y car yn gwylio cysgod f'annwylyd yn bownio oddi ar y drs tan bang, mewn a ni.

Chwarae teg, ma'r ty yn wych; ma'n anferth gyda hen ddigon o le a chymeriad a phopeth.

Ond dyma "ffawd" yn torri ar ein hwyl unwaith eto. Mi dorrodd y trydan!

Mana rywun yn rhywle yn ein herbyn ni, dyna'r unig esboniad. Os ydi ffawd yn bodoli, dydio ddim yn feistr clen!

Gobeithio fydd gweddill yr wthos yn well!

Hwyl a sbrii

Bywyd

2008-03-16T12:40:00.002Z

Ma'n edrych fel mod i'n catch-up blog eto. Chenj.

Ond dion ddim i gyd wedi bod yn feddwi troma. Gaddo.

Lle i ddechra? P'thefnos yn ol mi gymerais ran yn y relay-for life i godi arian i Cancer Research UK. Timoedd o rhwng 8 a 15 yn cerdded am 24 awr heb stopio gydag oleia un person o bob tim ar y trac ar un pryd. Mi oedd na 7 ohonom ni gan fod un person yn sal.

Gadewch i mi ddeutha chi, dydio ddim mor hawdd a ma'n swnio. Mewn theori dim ond 3-4 awr oedd rhaid i bawb gerdded yr un ond mi oedd hi mor oer a gwyntog mi oedd hi'n well cerdded! Erbyn tua hanner ffordd roedd pawb yn brifo drostynt - pengliniau, pherau, traed. Mi ath y nos ei hun yn ddigon cyflym gan fod pawb yn gwneud awr ar ben eu hunain a'r gweddill yn trio cysgu drwy'r miwsic mawr.

Ond oh, roedd hi'n wyntog. Mi roeddwn i'n poeni am fy nhent! Mi oedd o ychydig bach yn worse for wear erbyn diwedd y noson! Chi'n gweld y tent/marqee/type peth glas a gwyn yng nghornel top dde'r llun uchod? Wel mi odd hwnnw yn dent swyddogol efo dwr/red bull etc am ddim ynddy fo. Mi chwythodd i ffwrdd. Wir yr, mi hedfannodd o dros y ffens i'r astrotyrff ac felly buodd rhaid ei dynnu lawr. Wedi gweld hyn yn digwydd mi oeddwn i'n hollol paranoid am fy nhent bach i!!

Mi gerddodd pob aelod o'n tim ni dros 12 awr o be dwi di gallu cyfri. Yr un. Dos ryfedd bod ein traed ni'n brifo. Mae'n rhaid i mi gymryd y cyfle yma i ddiolch i bawb noddodd fi neu cefnogodd y relay mewn unrhyw ffordd.

Mana fwy amdan y relay yma

Be arall dwi di neud dwch? O ia, mi fues i yn Iwerddon dros y Penwthos i wylio'r gem. Ond faint allai ddweud am y trip yna? Cyrraedd, pyb, cysgu, ffry-up, pyb, cysgu, ffry-up, pyb, cysgu, adra! Good times!

Mi gostiodd ffortiwn i mi cofiwch. Mi oedd pob peint yn cosdio 5ewro (sdim bwtwm ewro ar yr allweddell yma!) sydd yn £3.50ish a mi geshi noson allan a dau all-dayer tra oni yna! Ond swnim yn newid dim swni'n cal y cyfla i fynd eto.

Ond beth sgin i i gofio'r wicend gwych yma? 3 Peth. Y cynta yw gwallt gwyrdd sydd erbyn wan yn dechra troi'n ol yn chavvy blond. Osym.

Yr ail yw gewin du. Dwi ddim cweit yn shwr beth ddigwyddodd gan nad ydwi'n cofio. Ond dwin meddwl mai cau o mewn drws wnesh i. Mi oeddo'n effin brifo ar y pryd. Wan mae o jesd yn secsi ac yn ddu.

Y trydydd peth? Lluniau gwych! Mi fyswn i hollol ar goll heb fy lluniau. Efallai mod i'n edrych ychydig yn feddw yn y lluniau ond mae o wertho. Mewn ychydig o fisoedd pan fyddain eistedd f'arholiadau, dwin gwybod mod i'n mynd i dreulio oriau ac oriau yn mynd drwy fy lluniau i gyd yn bod yn nostaljic!

Y peth gwaethaf am y trip heb os nag oni bai oedd y daith adra. Mi oni'n hyng-ofyr ac mi oedd hi'n for stormus. Son am ddiodda. Mi dreulish i hanner taith y llong y tu allan yn rhewi ond yn eithaf bodlon, a'r hanner arall yn cysgu! Mi oedd hi'n olygfa gwych ar y llong; fel petai bomb wedi ei daro. Mi oedd na gyrff ym mhobman: ar bob soffa, o dan bob bwrdd ac ym mhob cornel lle oedd hi'n saff gorweddian. Efallai mod i wedi cael taith i'w anghofio ond dwi'n gobeithio wnai byth anghofio'r olygfa yna.

A rwan? Dwi adra am 3 wthos er mod i'n mynd i Ffrainc am wthos yn canol. Mi ddathlis i fod cymru wedi enill y grand slam ddoe, ond mwy am hynny mewn blog arall dwin meddwl (ma hwn ddigon hir wan yndi?!) unai'n gymraeg neu'n saesneg.

Hwyl a sbrii

Pob lwc Cymru

2008-03-15T12:52:00.003Z

Dim ond blog sydun iawn iawn i ddeud pob lwc cymru ac i ddeutha chi fod na blog ar ganol ei sgwennu ond dwi heb ei orffen eto (fydd on hir dwin ama). Dwi off i Ffrainc ganol wthos felly gai o fyny erbyn ganol wthos fel fy mod i'n rhydd i flogio lot am ffrainc pan ddoi nol!!

Hwyla sbrii

Waaaales, Waaaales, Waaaales!

Teimlo fel Storm

2008-02-20T12:22:00.003Z

Geshi hunllef echnos.

Wel, a bod yn onesd doedd o ddim wir yn hunllef. Wneshi ddim deffro yn crio na deffro llawn ofn. Mi neshi ddeffro yn casau pawb a phopeth.

Roedd codi yn gangymeriad, mi ath popeth yn waeth wedyn.

Oedd yn golygu mod i'n cerdded ogwmpas ddoe fel petai storm yn hongian uwch fy mhen. Mi oedd y ty yn fler, mi oedd darlithoedd yn waeth nag arfer a ma pres yn boen yng nghefn fy meddwl srwy'r amser.

Treuliais lot o amser yn fy llofft yn cuddiad ac yn gwylio sothach ar y teledu. Mi oedd Neibys a Home & Away yn helpu!

Mi ystyriais ddod yma i flogio ddoe ond penderfynnais peidio gan fy mod yn teimlo mor flin efo pawb a phopeth. Dwi';n falch mod i heb hefyd, mi fyswn i wedi dweud rhywbeth drwg.

Chi byth yn teimlo mor flin, does na dim all neb ei neud i helpu? A chi'n gwybod ei fod o am basio, a chi'n gwbo na hormons/di blino/bod yn wirion ydio/ydych chi ond di huna ddim yn sdopio chi fod yn flin. Geshi o eto neithiwr - rhywun di meddwi ac yn neud swn dros y ty i gyd; slamio drysa, gweiddi a.y.y.b. A finna wedi fy neffro oni'n fuming. Swni di gallu hitio fo. Yn galed. Sawl gwaith. Ond, erbyn bore ma, mi oedd o'n jóc wrth sgwrs, a hydynoed fi, oedd mooor flin neithiwr, yn ymuno á'r hwyl.

Dwi'n gwybod pryd dwi mewn mwd. Dwi'n teimlo nw'n cyradd ac yn pasio. Dio'n helpu dim.

Hwyl a sbrii

Trenflogio - Ffantasi

2008-02-16T14:35:00.005Z

Yn aml iawn pan dwi ar drenau (neu amryw o sefyllfaoedd cyhoeddys eraill) dwi'n creu rhyw fath o fyd ffantasi i fi fy hun.

Mae'r byd yma bron union yr un peth bob tro.

Mae'n dechrau gyda bachgen. Mae'n rhaid iddo fo fod yn fy ngwynebu neu dio'm yn gweithio. Ma'n llygid ni'n cwrdd am hanner eiliad a dyna fi off yn syth i fyd ffantasi ffilmiau. Dau berson ar dren yn cwrdd ac yn disgyn mewn cariad. Fflyrtio, penegliniau'n taro, llygaid yn cwrdd.

A mi wn yn iawn fod gin i gariad a mod i ar y ffordd i'w weld o felly mae disgyn mewn cariad ar y ffordd yno yn anghyfleus iawn ond does gan fy ffantasi ddim byd i'w wneud efo bod yn hapus efo f'annwylyd neu beidio. Y rheswm dwi'n cal y ffantasis hyn ydi achos mod i'n darllen gormod ac yn gwylio gormod o deledu. A dwi'n methu dechra perthynas. maethu'r dod i nabod rwyn am y tro cynta.

Y gwir amdani ydi mod i'n lot hapusach na neb mewn llyfr neu ar raglen teledu. Mi ydwi ddigon hapus a diflas i beidio bod yn destun ffuglen.

Sydd yn dda yn ei ffordd dydi?

Ond be ma'r ffantasi y tu mewn i mi eisiau ydi sylw. Rhywun i edrych arnaf fi a galw fi'n brydferth neu'n berffaith. Rhywun i fynd a fi am fwyd neu roi blodau i mi heb reswm, fel mewn ffuglen.

Ond mi ydwi'n hollol wirion, mi wbn hyn. Ma gin i gariad. Rhywun sydd ddim yn rhedeg milltiroedd wrth weld fy nagrau sydd yn llifo heb reswm. Rhywun sydd yn tynnu ei oriawr i ffwrdd cyn mynd i'r gwely, nid oherwydd arferiad ond yn hyrach oherwydd ei fod yn ofn fy mrifo i. Rhywun sydd yn ffitio efo fi.

Rhywun sydd ddim yn darllen fy mlogiau diolch byth, dwi ddim eisiau cael fy ngalw'n wirion ;-)

Yr holl yw'r ffantasiau trafeilio hyn yw ffordd o gadw fy mhen yn brysur. Er fod hanner yr amser yn cael ei dreulio yn y byd ffantasi yma, ma'r hanner arall yn cael ei dreulio yn dychmygu'r cydl gai gan f'annwylyd ar ol cyrraedd, ei law yn f'un i.

Bah, sentimentaleiddiwch. ma gadael fy mhen i i'w hun am 4 awr ar dren yn berryg....

Hwyl a sbrii

Prodyctifity

2008-02-05T16:15:00.000Z

Dwi'n cael dyddiau prodyctif iawn ac mae'n cychwyn fy nychryn.

Hwn yw'r ail, ie yr AIL ddiwrnod i mi beidio eistedd o flaen y teledu am oriau ac oriau pan fod gin i rywbeth pwysicach i'w wneud.

Ddoe, mi godais, mynd i ddarlithoedd, gwylio neibys a chael cinio, mynd i siopa, mynd am jog, coginio myshrwm stroganoff i swper cyn cael bath a gwylio ffilm.

Heddiw, darlithoedd, cinio a wedyn llyfrgell i wneud gwaith. Ar ol y ddarlith sydd gin i mewn ychydig, dwin bwriadu mynd adra, mynd i siopa am betha gneud crempog a wedyn creu pryd hyfryd a pwdin gyda crempogau. Gwychder.

Problemau a hyn:
Dwi wedi bod yn y llyfrgell ers dros awr a hanner yn ymchwilio i mewn i ieithoedd wedi'w dyfeisio. Esperanto, Klingon, middle earth, sign language a.y.y.b. - GRET.
Allaim darganfod hanner digon o lyfrau i wneud cyflwyniad 20 munud! Dwi wedi darganfod un ne ddau ar tolkein ac un ar epseranto. Cawn weld os fydd hyn yn gychwyn arni!

Dwi ddim yn siwr iawn beth fydd y pryd hyfryd ma heno. Dwin dyfalu y fydd na grempogau, spinaich a thomatos yny fo yn rwla! Cawn weld!!!

A dyma fi wedi sgwennu rhyw fath o flog hefyd. Dwi'n dychryn fy hun weithiau.

Ond mae'n amser chwilio am fwy o lyfrau

Hwyl a sbrii

Linci Linci

2008-02-04T13:32:00.000Z

Dim ond post bach sydun.

Mana ddau linc newydd wedi'w ychwanegu i'r ochr >>>

Y cynta yw linc i fy noddi ar-lein. Dwi a 9 person arall yn cymryd rhan yn y "relay for life" i godi arian at cancer research UK. Ma pawb yn nabod oleia un person sydd wedi'w effeithio gan gancr ac felly dwi'n credu ei bod hon yn achos bwysig iawn. Diolch yn fawr!

Wel, a bod yn onesd, dim ond y cynta sydd yn newydd. Mana Lun newydd i'r un maes-e.

Mi fyswn i'n aros yn hirach yn son am y ffaith fod Cymru wedi curo lloegr am y tro cynta ers 20 mlynedd yn Twickenam dros y penwthos ond dechi'n gwbo huna yn barod mae'n shwr!

O, a dwin llwgu!

Hwyl a sbrii

Gwaith

2008-01-23T22:00:00.001Z

Ma gin i gymaint o waith i neud. Dwim yn i ddallt o a dwi di blino'n lan. Gan mod i wedi blino, ma meddwl am waith yn anoddach fyth ac oherwydd fod y gwaith yn anodd a mod i di blino, dwisho crio, sydd yn ei dro yn gneud hin anodd gweithio gan nad ydwin gallu gweld be dwin neud.

Yng nghefn fy meddwl drw'r amser ma'r ffaith mod i'n agos at fethu graddio yn gyfan gwbwl felly man RHAID i mi basio hwn. Man RHAID i mi.

A dwim yn teimlo y gallai siarad efo neb arall, dim f'annwylyd na neb, achos yn y pen draw be allith neb neud? Bod yn ysgwydd i grio arno? Fy mai i ydi hyn i gyd yn y pen draw felly be neith bod yn wirion ac yn fabi mawr ei gyflawni?

Dosa ddim un siawns yn y byd allai basio fory ond dwi ddim am roi i fyny gan fod RHAID i mi basio. Mae'n RHAID i mi.

Be wnai os nai fethu? Dod yn ol flwyddyn nesa? Be di'r pwynt os dwi di methu unwaith yn barod a finna yn trio'n reit blydi caled?

Ma gin i andros o gur yn fy mhen, ma fy llygid i'n goch o grio gymaint a'r unig beth allai feddwl amdano ydi ngwely.

Fyddain reit blydi hapus o weld dydd Sadwrn....

Hwyl a sbrii

Adduned

2008-01-22T21:30:00.000Z

Mae'n rhaid fod yr aroliad yma yn arbennig o ddiflas, neu fod 3 arholiad a 4 i fynd yn dechra' dweud arnai. Bethbynnag yw'r rheswm hwn yw'r trydydd blog i mi sgwennu yn y ddwyawr dwetha.

Mi wn fy mod ambell ddiwrnod yn hwyr, ond blwyddyn newydd dda i chi gyd. Doedd gin i ddim adduned blwyddyn newyd per ce felly tydwi heb ei dorri. Er gwaethaf hynny mi oedd gin i'r hanner syniad o rai, yn union fel pob blwyddyn arall.

Yr un amlycaf o'r rhain oedd i sdydio mwy a bod yn gyffredinnol well gogyfer a gwaith coleg. Mi ddiflnnodd hwnnw o 'mhen ychydig eiliadau wedi iddo gyraedd.

Un arall oedd bod yn well efo pres. Di hwnnw ddim am ddigwydd chwaith. Me likey spendy money.

Mae bod yn drefnus a thaclus yn uchelgais sydd gin i erioed. Pan oeddwn i'n fach ac yn creu gemau newydd i mi fy hun neu i mi a'm ffrindiau, mi oeddwn yn creu degau o reolau i wneud yn shwr o drefn. Ond er gwaetha'r gobeithion a'r breuddwydion, person bler a diog ydwyf. Felly dyw gaddo fy hun fy mod am newid ddim yn mynd i weithio.

Mi oeddwn hefyd yn hanner ystyried cadw'n heini, ond ar ol edrych ar bmi chart ar y we a darganfod mod i'r pwysa perffaith i fy nhaldra, roish i gif yp. Yn enwedig gan mod in chocaholig ers treulio gormod o amser yn ty 'nghariad dros y nadolig.

Gan nad ydwi wedi gwneud aduniad eleni, tydwi ddim yn teimlon ddrwg am eu torri. Mi ydwi'n teimlo'n ddrwg mae'n rhaid cyfaddef am beidio gwneud adduned flwyddyn newydd o gwbwl. Ydwi'n meddwl cyn lleied o fy hun nad oeddwn i'n meddwl y gallwn ei gadw? Ta nabod fy hun rhu dda?

Ta waeth, f'adduned flwyddyn newydd hwyr yw gwneud adduned flwyddyn nesa. Siawns allai gadw hwnnw?

Hwyl a sbrii

Ail Gyfle

2008-01-22T20:00:00.000Z

Dwi di cael ail gyfle i raddau helaeth. Di'r cyfle yma ddim cystal a'r cynta ond ma'n gyfle er gwaethaf hynny. Tydwi ddim yn un am wneud y mwyaf o'r cyfle cyntaf heb son am yr ail un.

Aileistedd arholiadau, dyma dwi'n son amdano.

Mi gai fethu 60 credyd o fy nghwrs a dal cael gradd. Dim un da, ond gradd er hynny. Dwi wedi methu 50 credyd llynedd ac felly dim ond un arall gai fethu. Ond, mae'r brifysgol, chwarae teg iddyn nhw yn rhoi ail gyfle i mi drwy adael i mi aileistedd y'r rhai arholiadau hynny a fethish i a pasio y tro cynta. Ond nid am farc da, o na, jesd i gal pass. Hynny yw, does dim ots pa farc gai, os dio dros 40, 40 fydd fy marc. Sydd ddim llawer o help i'r radd ond yn helpu rhag ofn fod yr arholiadau eleni yn mynd lawr y toilet. Eto.

Y theori ydi wrth sgwrs mod i wedi dysgu fy ngwers ac am adolygu troma a gneud yn dda, yn enwedig rwan mod i yn fy nhrydedd mlwyddyn á fy nyfodol yn y fantol.

No such luck.

Dwi'n ofnadwy. Gan mai risit ydi f'arholiad fory, allai ddim poeni. "Duw, mond 40 dwi angen".

Y broblam ydi mod i di methu cael 40 tro cynta, felly mae'n rhaid gweithio i'w gael yr ail dro!

Mae fy nisgwyliadau i yn disgyn yn is ac yn is bob tymor dwi'n mynychu'r brifysgol. Mi gyrhaeddish i Aberystwyth gyda gobeithion o 2.1 a breuddwydion cudd o 1st. Wedi'r flwyddyn gynta, sylweddolais fod y gwaith mbach anoddach nag oni wedi'w ddychmygu, mod i'n hynnod ddiog ac yn hoff o beint ne 6. Erbyn wan, wedi'r sdwnsh llwyr neshi o llynedd, fysa graddio'n braf.

Dwi shwr o edrych yn ol mewn blynyddoedd, fel athrawes neu fel manijyres yr adran lysiau yn tesco a cicio fy hun am beidio gwneud yn well a chael y gradd dwi'n gwybod y gallai gael. Ond wrth eistedd fan hyn, wan hyn, dwin difaru dim. Dwi di mwynhau mwy yn y brifysgol nag allai ddisgrifio. Mae'r 6000+ o luniau wedi'w tynnu yn dust i hyn yn ogystal a f'atgofion. Dwi'n gobeithio hefyd, er mor ofnadwy ydwi erbyn hyn am sgwennu fod y blog yma'n dyst i fy mywyd anhygoel yn Aberystwyth.

Bah, sentimentaliaeth. Nol i sdydio dwi'n credu.

Hwyl a sbrii

Dal yn fyw

2008-01-17T23:13:00.000Z

Dwi dal yn fyw...jesd. Dwi'n ganol fy arholiadau 2 di bod, 5 i fynd (5 arholiad mewn 6 dwrnod, helpwch fi plis).

Wedi'r arholiada' mi nai ddechra blogio eto!!

...gaddo!

Hwyl a sbrii

Nadolig??

2007-11-17T20:58:00.001Z

Dwi di drysu'n lan.

Canol mis Tachwedd ydi hi, mi wn hyn.

Mae popeth ar y teledu ac yn y siopau a phobman o f'amgylch yn ceisio fy mherswadio ei bod hi'n ddolig yn barod. Ond dwi wedi arfer efo hyn, mae o'n digwydd bob blwyddyn.

Dwi bron yn hollol hollol sicr fod hin nadolig. Dwin canu caneuon nadolig, yn meddwl am anhregion...dwi yn nadolig-mode mis yn gynar. A diom ots be dwin ddweud wrth fy hun, mai dal yn nadolig...

A nid fi yw'r unig un. Mana ferch arall sydd yn byw yn yr un ty a mi yn teimlo'r un fath. Ond mae hi wedi penderfynnu peidio ymladd y teimlad a derbyn ei bod hi'n nadolig cynnar. Dwi'n gwrthod ac felly mewn byd o ddryswch.

Allai ddim meddwl beth sydd yn wahanol eleni. Yr unig beth allai feddwl ydi mod i wedi mynd adra i weld mam a dad am y tro cynta ers cychwyn coleg lot hwyrach nag arfer. Pan eshi adra rhyw bthefnos yn ol, mi oedd hi'n teimlo fel y dolig. Mi oedd hin oer ac yn dywyll yn gynnar, mi eshi am dripiau i weld lot o'r teulu a mi oni adra am rhyw 4 noson, sydd yn fwy nag arfer.

Dydio'm ots faint o weithia dwin dweud wrth fy hun nad ydi hi'n ddolig eto, a gorfodi'n hun i beidio meddwl am y peth tan y 1af o ragfur...

Dolig Llawen!?
Hwyl a sbrii

mysh o ddarlithoedd a meddwi

2007-10-11T09:30:00.000Z

Mae'r dyddia'n hedfan heibio a dwi wedi bod yn ol yn y brifysgol ers ddigon agos at 3 wythnos. A hwn yw fy mlog cynta ers dod yn ol. Mi wn nad oes esgus am hyn ac ymddiheuraf. Mae'r dyddiau erbyn rwan yn cymysgu'n un mwsh mawr o ddarlithoedd a meddwi.

Ond, i fod yn deg dwi wedi bod ym mhob darlith oni bai am un. Sydd yn wych i mi. A'r unig reswm fethish i'r un ddarlith yna oedd achos mod i'n hynnod hynnod hyng-ofyr. A dwi di cal y nodiada i gopiio i fyny felly pw i unrhywun feiddia edrych yn flin arnai am ei fethu!

Wedi dweud hyn i gyd, mi fysa'n anodd i mi fethu lot o'n narlithoedd. Dydd off ddydd llun, diwrnod llawn ddydd mawrth, dydd off dydd mercher, bora llawn ddydd iau a mond 2awr dydd gwener. Unwaith dwi fyny yn fy narlithoedd, mi ai i bob un. Codi allan o'r gwely sydd yn drafferth.

Ar ddyddiau fel dydd Mawrth lle dwi fyny ar y campws drwy'r dydd; yn cael cinio ym mhantycelyn a phopeth, dwi'n bord iawn iawn. Rwy'n eistedd yn y mwyafrif o ddarlithoedd yn coiio'r nodiada manw'n sgwennu ar y bwrdd du tra'n trio peidio gwneud cyswllt llygaid cofn iddyn nhw ofyn cwestiwn i mi. Ar ddiwrnodau fel hyn ma' petha syml yn fy ngwneud yn hapus. Er enghraifft rhywun yn gwneud synnau secs/orgasm tu allan i'r ddarlithfa. Mi roth hyna gigl dda i mi. Neu brynu guardian am 30c a chael llyfr coginio am ddim. Gwd sdyff.

Wedi i mi brynu'r guardian am 30c dwi wedi ei brynu eto ddwrnod wedyn gan fy mod eisiau gwybod ateb y croesair! Dwi ddim yn or-hoff o'r guardian fel papur newydd - mbach dros fy mhen i, ond mae'r chwilair sydun yn eitha syml ac er nad ydwi wedi gallu ei orffen, dwin mwynhau trio. Scam da gan y guardian - fy nwyn i mewn gyda llyfr coginio a phapur newydd rhad a rwan dwi'n sownd. Damia nw.

Er nad ydwi wedi bod yn blogio lot yn ddiweddar dwi wedi bod yn cadw cofnod ar beth sydd angen i mi sgwennu amdano. Felly na phoenwch; mi gewch yr arferol fwydro ond falla fydd rhaid i chi aros yn hirach amdano. Dwin hynnod hynnod ddiog!!

Hwyl a sbrii

Gwyn ein ty, gwyn fy myd

2007-09-19T14:51:00.001Z

Mi oedd mam a dad yn fod i fyn ar eu gwyliau rhyw bthefnos yn ôl. Ond mi gafodd mam ddannodd ac felly mi oedd gan y ddau wythnos off a dim i'w wneud. Felly dyma benderfynnu gwario'r arian a'r amser ar beintio'r ty yn wyn. Lle ma'r synnwyr yn y syniad yma dwi ddim yn siwr ond dyna ni. Felly yn ystod yr wythnos dyma droi'r ty yn wyn; sydd, mae'n rhaid i mi gyfaddef yn edrych yn lot gwell. Mi oedd na gyfnod lle roeddon edrych yn od ac ipyn bach fel clown ond ma hwnnw di pasio.

Dwi'n dychwelyd yn ôl i'r coleg wicend ma. Dwi ddim yn siwr iawn pryd oherwydd fod mrawd angen mynd yno yr un pryd. A rhyngtho ni ma genym ni LOT o sdwff. Ma mrawd yn mynd ddydd Sadwrn efo'i sdwff, ma hynnyn sicr. Ond beth amdanai? Ydwin mynd lawr efo'm sdwff ddydd Gwener, ta ydwi'n cael liffd lawr dydd Sadwrn rhywsut (efo mrawd gobeithio) a fy sdwff yn cyrraedd ddydd Sul pan fydd dad yn pasio bethbynnag? Cawn weld.

Ond pan fyddaf yn dychwelyd, dychwelyd heb fy laptop fyddai. Mae wrthi'n cael ei drwsio rwan. Mi gostith hi £130 i mi. Mae'n ddadleuol os ydi hin werth talu hynny ond mi dwin attached i'r laptop a methu fforddio £130 heb son am fwy i gal laptop newydd!! Felly werth o neu beidio, mi fyddain dechra fy mlwyddyn ola yn Aber efo llai o bres nag erioed.

Tan gai fy laptop yn ol felly, hwn yw fy mlog ola gan y fyddain pacio/deud tata/cysgu.torring ngwallt yn ystod y dyddia nesa.

Hwyl a sbrii

Y gan ora erioed?

2007-08-29T20:42:00.000Z

Wedi ffindio hwn ar you tube. Ma gena ni dap ohona fo ond mae o di diodda dros y blynyddoedd. Ymddiheuriadau os dio'n cymryd oria i streamio.

Father brian and the fun lovin cardinals - Whos in the house? Jesus in da house!

Joiwch! Hwyl a sbrii

Hmmm

2007-08-29T14:10:00.000Z

Dwi'n dechra sylwi rhywbeth. Pan dwi'n blogio ar fy mlog, mae'n cael ei dransffyrio yn otomatig i Facebook. Dwin gwybod hyn erioed gan mai fi nath ei setio fyny. Mae'n beth da gan fod lot mwy o bobl yn gallu ei ddarllen. Ond mae'n beth drwg gan fod mwy yn gallu ei ddarllen.

Dwi di arfer efo bron neb yn darllen fy mlog ac felly er nad ydwin trio son dim byd personnol rhywun arall, dwi yn weithiau. Ac man cyradd facebook. A gan fod facebook mor anferth mana rwyn yn gallu ei ddarllen. Hydnoed bobl randym (a bosib yn enwog) ydwi digwydd bod yn sgwennu pethau amdanyn nhw er enghraifft fy ffantasiau rhamantaidd. Manw shwr o fod ar facebook ac shwr o fod yn nabod rwyn dwin nabod (gin i ddipyn o ffrindiau wchi).

Ddylwn i sdopio sgwennu am bobl erill ond dydwi ddim yn mynd i. Ddylwn i alw bobl dan enw ffug ond wnai ddim. Dylwn i oleia sdopio roi'm mlogiau ar facebook os dwi ddim am wnaeud yr uchod ond wnai ddim.

Felly, dyma ymddiheuriad.

Dyna ni, Hwyl a sbrii

Swni yn sô troi'n lesbian i Fflur Dafydd

2007-08-28T13:35:00.000Z

Amser maith maith yn ôl mewn cae rygbi yn y Wyddgrug mi roedd na gig. Mi roedd yna sawl gig a bod yn onesd. Chi'n cofio'r sdeddfod? Dwi'n gwybod mod i wedi bod yn ara deg yn postio gweddill hanesion fy sdeddfod ond ma'r laptop di marw fel dwi di deud eisioes a dwi'n blogio wan yn y gwaith gan mai hwn yw o bosib y diwrnod mwya diflas erioed. Dwin gwybod nad ydwi fod ar y wê yn y gwaith ond sgin i wir ddim byd arall i'w wneud blaw darllen; a mae'n anoddach smalio neud wbath arall tra'n darllen os oes rhywun yn cerdded i mewn.

Bethbynnag, teitl y blog. Ie, wel, nos Wener y sdeddfod mi oedd Fflur Dafydd a'r Barf yn chwarae ac mi ddisgynnais mewn cariad llwyr gyd Fflur Dafydd. Mi oni'n hoffi'w cherddoriaeth hi bethbynnag, nid dyna ydwi'n ei feddwl yn yr achos yma. Mi ddisgynnais mewn cariad gyda HI. Ei choesa yn bennaf. A'r gitar. Oh, i gael bod y giar hwnw!! Allaim ffindio llun o'r noson hwnnw ond dyma oedd hi'n ei wisgo;

Mam bach drychwch ar y coesa yna! Wel, ar ôl (ac o bosib yn ystod) ei set mi ddwedish i wrth unrhywun fysa'n gwrando (neu beidio, donim yn ffysi), gan gynnwys fy mrawd a fy nghariad, y fyswn i sô yn troin lesbian i Fflur Dafydd. Ac mi fyswn i.

Mai'n chwara yn Aber ar yr 22ain ac mi fyddaf yno yn ei haddoli. Mmmm, gwd sdyff.

Yyyym...be dwi di bod yn neud ers sdeddfod dwch? Dwi di bod yn Llundain am wicend a fydd na Lunia ar flickr pan gai laptop. Dwi di chwara fo Lego a fydd na lun o'r gwychder ar flickr yn fuan. A rwan dwi off i Wikipedia. Dwi di diflasu lot ond sgin im mynadd blogio chwiath. Ymddiheuraf.

Hwyl a sbrii

Sori

2007-08-22T11:08:00.000Z

Mae fy laptop wedi marw. Wel, naddo. Mae o'n gwrthod charjo, yn cyfnewid rhwng pwer batri a pwer plwg yn sydun ac yn gneud syna rhyfadd. Delly, gallai'm ei ddefnyddio tan dwi wedi cael ei drwsio! Sori am hyn, llai fyth o flogiau am y tro.

Hwyl a sbrii

Y tew

2007-08-13T18:15:00.001Z

Mae gin i ffrind. Wel, ma gin i fwy nag un ffrind (wir yr), ond ma'r un dwi am son amdano yn un person (a chydig mwy). Mae y tew yn un sydd yn hoffi ei beint, a mbach yn enwog o fewn ein cylch bach ni am wneud pethau mbach yn wirion pan ma di meddwi. Er enghraifft, yn ystod eisteddfod Casnewydd fe aeth ar goll am noson. Y peth cyntaf mae'n cofio ydi bod mewn bwsh heb ei sbectol na'i ffon. Fe ddilynodd noson sgeri ond doniol i bawb arall o grwydro drwy gerddi bobl, cysgu ar y grass verge ar dual carrigeway a chuddiad rhag y bobl oedd yn mynd mewn i'r eisteddfod.

Bethbynnag, mae wedi gwneud rhywbeth gwirion tebyg ers hynny yn reit aml! Pan gyrhaeddish i'r eisteddfod eleni mi oedd y tew yn goch. Doedd o heb allu dod i fy nol o'r car a'm helpu i gario petha at y campsait gan ei fod wedi llosgi ei bengliniau a methu cerdded heb fod mewn poen! Digon dineiwed a digon teg, mae rhywun yn gallu llosgi. Ond y diwrnod wedyn, mi oedd y tew wedi meddwi'n braf erbyn tua 4. Mi berswadiodd gweddill fy ffrindiau iddo drio gwneud summersault dros airbed dwbl. Ac wrth sgwrs fe driodd. A llwyddo i raddau helaeth.

Mi fuodd rhaid i'r tew fynd i'r ysbyty oherwydd ei fod wedi brifo'i ysgwydd ac ei fod mewn gymaint o boen. Mae hyn yn eitha drwg iddo fo gan nad ydio'n hoffi mynd i'r ysbytu (nathom mynd pan drodd ei dafod yn wyrdd ond yn hytrach shafio'r gwyrddni off efo rasal) felly rhadi ei fod o mewn dipyn o boen! Dim ond wedi'w gleisio yr oedd o ond mi oedd o'n handi iawn drwy'r wythnos gan ein bod yn gallu gweld faint oedd y tew di meddwi wrth faint oedd o'n gallu symud ei fraich chwith!!!

Bethbynnag, dwi am fynd i'r gwely rwan. Mwy o hanesion am yr eisteddfod i'w ddod drwy gydol yr wythnos gan gynnwys obsesif-cympylsif-ness, tywydd a fi'n swingio ffor arall am noson.

Hwyl a sbrii

Ma hi'n bwrw yn y gegin

2007-08-01T10:45:00.001Z

Pam o pam nad oes gin i ddim byd waterproof? Doedd gin i ddim côt felly mi fenthycais un tad f'annwylyd. Dydio ddim yn waterproof. Doeddwn i ddim yn disgwyl i convases fod yn waterproof a gwir i'r disgwyl, dydyn nhw ddim. Dyw hyd yn oed fy mhabell ddim yn waterproof!! (tydio ddim mor ddrwg a huna; ambell drip yn y rhan ganol)

A dyma fi. Yn flin efo'r haul am fy neffro i mor gynnar ac yn flin efo'm mladder am wneud i mi godi. Dyma fi. Yn flin efo'r cyfuniad o fflip fflops a mwd - ddim oherwydd fod fy nhraed yn baeddu ond yn hytrach achos fod y fflip fflops yn fflipio ac yn fflopio mwd i fyny fy nillad glan. Dyma fi. Yn sogi ac yn fwdlud mewn pabell yn nolgellau am 10 o'r gloch y bore. Dyma fi. Wrth fy fflipin modd!!

~~~xXx~~~

Mi sgwennais i'r uchod bore sadwrn seshwn fawr ond dim ond wan dwin cael cyfle i'w roi ar y blog. Un peth da am fynd nol i'r coleg fydd blogio'n amlach mwn. Dyma'r canlyniad i'r blog uchaf;

Un trip i'r toiled mewn fflip fflops a ma jins hollol gwbwl lan yn troi mewn i hyn. Woo hwyl.

Y rheswm am teitl y blog? Nodyn oedd ar ddrws y gawod bora ma. "Wierdo. Cawod sydun; mai'n bwrw yn y gegin". Ma'n digwdd reit aml. Bob tro deni'n llnau'r gawod, ma'n digwdd; denin sgrwbio gormod ac wedyun ma'r dwr yn dod trwodd. Ond neithiwr a hogla bleach yn llenwi fy ffroenau, mi oeddwn yn MYND i olchi'r gawod yn iawn os o gwbwl!

Ma fy matris am redeg allan rwan felly ddim blog call. Dwi dal yn fyw dwin gaddo. Dwin sdeddfod trw wthos nesa felly welai chi yno?

Hwyl a sbrii

Doniol

2007-07-18T22:31:00.000Z

Mi nath hwn i mi chwerthin LOT yn gwaith heddiw. Oedd yn wirion gan nad oeddwn fod ar y we heb son am yn tynnu sylw at fi fy hun...
Mae o dal yn gneud i mi chwerthin.

Ma fi a fy mrawd adra ar ben ein hunain wthos yma ond ma mam a dad yn cyradd adra fory sydd yn golygu fod rhaid mi glirio. A darllen Harry Potter :-P

Ond mi driai flogio rwla yn canol cyn mynd i seshwn fawr!

Hwyl a sbrii

Cariad

2007-06-29T19:52:00.001Z

Mana ambell hogyn sydd yn gallu tanio f'enaid a toddi'ng nghoesa. Ma David Tennant yn amlwg yn un. Ma Ceri anweledig yn un arall. Peidiwch a gofyn i mi pam, dydun nhw ddim o reidrwydd yn handsym iawn ond pan manw'n gwenu dwi'n eu caru nhw am byth. Dim cwestiynnau, dim meddwl ddwywaith, dim syniad pam. Dwi'n nabod un ne ddau arall a ma'n rhaid mi ddiolch i dduw nad oes gan unrhyw un ohonyn nw ddiddordeb yddof. Gin i gariad ers tair mlynedd a dwin hapus iawn diolch yn fawr. Dwin llwyddo i neud digon o betha gwirion heb gymorth sylw gan ambell berson anhygoel!!

Sgwrs mana genod efo'r un attributes. Allai ddim meddwl am unrhyw un sydd yn enwog yn anffodus a dwi ddim yn siwr os ddylwn i lincio iddyn nhw yma. Tydwi ddim eisiau pobl yn trio fy setio fyny a tydwi ddim eisiau'r rhai sydd ddim ar y rhestr fod yn insutled!!! Merched fel hyn fysa'n gallu fy nhroi i am split second. Petawn yn feddw iawn m fysa'r rhain yn gallu gwneud breuddwydion fy nghariad ddod yn wir!!

Mae'r bobl yma fel arfer yn gymeridau cryfion ac yn hawlio sylw gin bawb. Manw'n bobl hapus sydd yn glefar ac yn hyderus iawn. Dwisho bod yn un o'r bobl yma a dwisho bod efo nw.

Cyn gorffen ddylwn i nodi fod fy nghariad yn un o'r rhain, cofn fod o'n darllen.

Hwyl a sbrii

Long Taim No sbici

2007-06-18T18:31:00.002Z

Oni'n cerdded rownd Caernarfon heddiw efo'r gwen fwya ar fy ngwyneb. Mi onin edrych fatha ffwl manic. Duw a ŵr pan oni mor hapus. Diwrnod da yn y gwaith bosib? Wedi blino lot yn rewm posib arall. Mi oni di bod yn edrych ar luniau o fy ffrindiau a fi wedi gwisgo fyny fel condoms a mi ddoth huna a gwen i'ng ngwyneb. Rheswm arall posib yw mod i di cal cynnig mynd i Iwerddon fo genod gwaith. Ma'n od, dwi'n aml yn teimlo fel mod i'n tarfu ar bawb arall gan mod i mond yno am bythefnos a dipyn. Ond eto, un cynnig i fynd i Iwerddon a dwi ar ben y byd. Ydwi angen ffitio i mewn gymint a huna? Gai weld os ai.

O helo gyda llaw! Na, dwi heb ddiflannu i berfeddion y byd go iawn am byth, dwi dal yma. Ers y blog dwetha, dwi di: dathlu fy mhenblwydd yn 20 gyda drinc tawel a fy ffrindiau (nathy nw jibio allan o'r yfed 24 awr). Ar ddiwrnod fy mhenblwydd mi ddalish i fys am 3 awr (ma travel-sickness tablets yn gweithio diolch byth!) wedyn dreifio am dros awr (sdresffyl iawn i mi) i fynd i barti prodas. Dwi di diogi am wthos dwi di gweithio am wthos, dwi di ryffio hi am benwthos yn blaenau a dwi di bod yn Lerpwl am benwthos.

Ma hwn yn lun gwych, dwi wrth fy modd efo'r stans a'r gola. Mi oedd o'n anodd dal llun call o'r sefyllfa gan eu bod yn mynu symud wrth chwara. Dim ystyriaeth amdanai!! Mi oedd yn wych. Mi geshi noson reit neis (ddim yn meddwi gormod ond dal reit sili) a mi nai gofio un moment am byth. Diwedd y noson, mi oedden ni'n aros am y tacsi. Gorwedd yn y llechi yn chwerthin am oleia ugain munud. Duw a ŵr am be, ond ma'n atgo sydd yn mynd i aros efo fi am byth!

Wedyn ar y tacsi i Llanrwst. Dydd Sul mi dreulion ni ddwrnod yn Llanrwst ac yn Trefriw yn buta y yr haul ac yn diogi. Mi geshi weld carreg taid (isod) oedd yn neis a gweld y ty lle dyfodd o i fyny. Ma Llanrwst yn dref hyfryd, dwi wrth fy modd efo'r lle. Prydferth iawn ac yn atgoffa fi o pan oeddwn i'n fach!

Mi gafodd fy mrawd ei barti penblwydd yn ddeunaw noson gynt. Oedd yn golygu fod ty ni yn llawn plant yn gwneud i mi deimlo'n hynnod hen. Ond i fod yn gwbwl onesd, blaw am y ffaith mod in teimlon gyfrifol dros bopeth a'r ffaith mod i di blino ymhell cyn pawb arall, mi geshi amser da iawn. Ond mwy am hynny tro nesa falla.... ma mynd o beidio blogio i sgewnnu blog hir mewn un cam yn gofyn gormod dwin ama.

Ond, na phoener ddarllenwr ffyddlon, ma ty ni di cyrraedd y presennol. Wifi gyfeillion ac er fodon wan iawn ym mhobman oherwydd waliau cerrig, mi fyddai ar y we yn amlach! Hwyl a sbrii

Cronicl o fy meddwder

2007-06-01T10:54:00.001Z

Dwi'n blogio lot amlach ar fy mlog saesneg yn ddiweddar a dwi'n ymddiheuro am hynny. Mae'n warthus gan mai hwn yw fy mlog cynta bob amser.

Dwi wedi gorffen fy arholiadau!!! Wooo! Mi fydd rhaid i mi aileistedd yn yr haf, ond tan hynny (neu tan Orffennaf y 6ed pan gai wybod fy nghanlyniadau) dwi'n hapus braf mewn byd o feddwi a ffrindiau! I ddathlu diwedd yr arholiadau mi eshi i Abreraeron (ddim ar ben fy hun, mi oedd na 3 byd yn mynd!) a meddwi. Diwrnod gwael i fynd i Aberaeron rili gan ei fod hin tresho bwrw glaw, ond di hyna'm yn gneud gwahaniaeth mewn pyb nadi!

Bethbynnag, cafwyd ddiwrnod gwych o yfed a meddwi gyda criw gwahanol gan nad oedd neb o ty ni wedi dod gyda mi. A ma hyna wasdad yn beth neis.

Y rheswm nad oedd neb arall wedi dod gyda mi? Wel nos fawrth mi oedd crôl dre. Crôl rownd tai'r dre oeddo gyda pynsh ym mhob ty. Y thema oedd "gwledydd". Mi benderfynnodd ty ni ar Loegr fel gwlad! Mi oedd gennym ni fap o Brydain ar y wal gyda fflag lloegr drosto (dim sir Fon ar y map wrth sgwrs!), llun mawr o'r cwîn, a lluniau o Anne Robinson, Margaret Thatcher a.y.y.b. ar y wailiau hefyd!!

Y rheswm fod pawb arall yn diodda diwrnod wedyn? Wel mi oeddwn i wedi gadael y crôl am 10 achos fod gin i arholiad y bore wedyn (hehe mynd allan cyn arholiad, glywoch chi rioed syniad gwirionach?). Digwydd bod mi oeddwn i wedi gwylltio gyda ffrind meddw (o, wedi gwylltio go iawn cofiwch) felly doedd dim rhaid gneud llawer o ymdrech i fynd adra, doeddwn i ddim yn y mwd o gwbwl!

Neithiwr wedyn...mi dreulish i lot o'r diwrnod yn diodda. A wedyn i sŵn yn y nos (noson gymraeg yn yr undeb). Dawnsio cyn mynd lawr i'r pier. I'r rhai onhonoch sydd ddim yn nabod Aberystwyth, mae pier yn glwb nos. Nid yn unig hynny ond mae'n afiach ac yn ddrud i fynd mewn. Fel arfer swnim yn mynd yn agos at y lle ond neithiwr? Wel oedd pawb yn ôl son am fod yno ac oeddo'n rhyw fath o "lîfing dŵ" i ferched y drydedd, felly mi oedd rhaid dweud hwyl fawr mewn sdeil doedd. Mi oeddon shit blaw am yr hanner awr ola. Rhowch roc'n'rôl cheesy ar y sbicyrs and ai shall dans ddy nait awê!!

A heddiw? Wel dwi fod yn dathlu fy mhenblwydd gan na fyddai yn Aber fory (parti prodas...bww). Ond heddiw digwdd bod ydi'r diwrnod ma'r hogia wedi penderfynnu yfed am 24 awr....dechra am 2 pnawn ma a gorffen 2pm fory. Dwi methu ymuno a'r hwyl gan fod rhaid mi ddreifio fory ond dwi dal am ddechra yfed am 2 a ceisio peidio cael KO cyn fy mhenblwydd!! Dwi shwr o joio! Disgwyliwch luniau doniol yn fuan mi ddychmygaf!!!

Hwyl a sbrii